كەنيادا اۋە اپاتى بولىپ، ون ءبىر ادام قازا تاپتى، دەپ حابارلايدى «ادىرنا» ءتىلشىسى Euronews-كە سىلتەمە جاساپ.
قايعىلى وقيعا جەرگىلىكتى ۋاقىت بويىنشا 28 قازان كۇنى تاڭعى ساعات 5:30 شاماسىندا بولعان. Mombasa Air Safari اۋە كومپانياسىنا تيەسىلى جەڭىل موتورلى ۇشاق ماساي-مارا ۇلتتىق قورىعىنا بارا جاتقان جولدا اپاتقا ۇشىراعان. ۇشاق كەنيانىڭ وڭتۇستىك-شىعىسىنداعى ورماندى جانە تاۋلى ايماققا قۇلاعان.
ۇشاق بورتىندا كەنيالىق ۇشقىش، ۆەنگريانىڭ سەگىز ازاماتى جانە گەرمانيادان كەلگەن ەكى تۋريست بولعان. ولاردىڭ بارلىعى دا مەرت بولدى.
قازىر اپات ورنىندا قۇتقارۋشىلار مەن تەرگەۋ توبى جۇمىس ىستەپ جاتىر، اپاتتىڭ سەبەبى انىقتالۋدا.
ۇقساس جاڭالىقتار
