بۇگىن، 28 قازاندا وتكەن ۇكىمەت وتىرىسىندا پرەمەر-مينيستر ولجاس بەكتەنوۆ «سامۇرىق-ەنەرگو» حولدينگىنىڭ باسشىسى قايرات ماقسۇتوۆقا ەسكەرتۋ جاسادى، دەپ حابارلايدى «ادىرنا» ءتىلشىسى.
ۇكىمەت باسشىسى 16 مينۋت سويلەگەن ماقسۇتوۆتىڭ بايانداماسى ۇزاققا سوزىلعانىن ايتتى.
ء«سىزدىڭ بايانداماڭىز تىم ۇزاققا سوزىلدى. قىسقاشا، ناقتى بايانداۋ كەرەك. ۋاقىت ۇنەمدەيىك»،- دەدى بەكتەنوۆ.
پرەمەر-مينيستر ۇكىمەت وتىرىستارىندا اقپاراتتى قىسقا ءارى ءماندى تۇردە جەتكىزۋدىڭ ماڭىزدىلىعىن اتاپ ءوتتى.
ايتا كەتەيىك، بۇگىن ۇكىمەت وتىرىسىنىڭ كۇن تارتىبىندە ەلەكتر ەنەرگەتيكاسى سالاسىن دامىتۋ جانە تسيفرلاندىرۋ ماسەلەسى قارالدى.
ۇقساس جاڭالىقتار
