26 قازانان 27 قازانعا قاراعان ءتۇنى ماسكەۋگە كەمىندە 34 درونمەن شابۋىل جاسالدى. بۇل تۋرالى قالا مەرى سەرگەي سوبيانين مالىمدەدى، دەپ حابارلايدى "ادىرنا" ۇلتتىق پورتالى.
ونىڭ ايتۋىنشا، بارلىق دروندى رەسەيدىڭ اۋە قورعانىس كۇشتەرى اتىپ تۇسىرگەن. درون سىنىقتارى قۇلاعان جەرلەردە توتەنشە جاعداي قىزمەتتەرى جۇمىس ىستەگەن، الايدا شابۋىلدىڭ ناقتى سالدارى تۋرالى اقپارات بەرىلمەدى.
رەسەيلىك SHOT Telegram ارناسىنىڭ مالىمەتىنشە، جارىلىستار ماسكەۋ ماڭىنداعى رامەنسك، پودولسك، كليموۆسك، دومودەدوۆو، كولومنا جانە ترويتسك قالالارىندا ەستىلگەن.
سونداي-اق، دومودەدوۆو جانە جۋكوۆسكي اۋەجايلارىنىڭ جۇمىسى ۋاقىتشا توقتاتىلعان.
كەيبىر دروندار ماسكەۋگە جەتپەي، تۋلا وبلىسى اۋماعىندا اتىپ تۇسىرىلگەن. كۋاگەرلەر تۇنگى ساعات 2 شاماسىندا جارىلىستار مەن اسپانداعى جارقىلداردى بايقاعان.
Supernova+ ارناسى ماسكەۋ وبلىسىنداعى جارىلىستار مەن كرەمل ماڭىنداعى اۋە قورعانىس توبىنىڭ ۆيدەوسىن جاريالادى.
ال Astra باسىلىمى كوممۋناركا ەلدى مەكەنى ماڭىندا ءتۇتىن بايقالعانىن حابارلادى.
رەسەي قورعانىس مينيسترلىگىنىڭ دەرەگىنشە، ءبىر تۇندە 193 ۋكراين درونى اتىپ تۇسىرىلگەن. ولاردىڭ 40-ى ماسكەۋ وبلىسىنا، ال 34-ءى ماسكەۋگە باعىتتالعانى ايتىلادى.
