رەسەيدىڭ قازاقستانداعى ەلشىلىگى ۆلاديمير ءپۋتيننىڭ مەملەكەت باسشىسى قاسىم-جومارت توقاەۆقا جولداعان قۇتتىقتاۋ حاتىن جاريالادى، دەپ حابارلايدى "ادىرنا" ۇلتتىق پورتالى.
وندا رەسەي پرەزيدەنتى قازاقستاننىڭ الەۋمەتتىك-ەكونوميكالىق دامۋ جولىنداعى تابىستارىن اتاپ ءوتتى.
ء«سىزدىڭ ەلىڭىز الەۋمەتتىك-ەكونوميكالىق دامۋدىڭ جولىمەن نىق قادام باسىپ كەلەدى جانە حالىقارالىق ارەناداعى ءوز ۇستانىمىن جۇيەلى تۇردە نىعايتىپ وتىر. رەسەي مەن قازاقستان اراسىنداعى بايلانىستار وتە جوعارى دەڭگەيدە. ءبىزدىڭ مەملەكەتتەر ءتۇرلى باعىتتار بويىنشا تابىستى ىنتىماقتاسۋدا، تمد، ەاەو، ۇقشۇ، شىۇ جانە باسقا دا كوپجاقتى قۇرىلىمدار اياسىندا ءتيىمدى ءوزارا ارەكەت ەتۋدە. ورتاق كۇش-جىگەرىمىزبەن ماسكەۋ مەن استانا اراسىنداعى ستراتەگيالىق ارىپتەستىك پەن وداقتاستىق قاتىناستاردى دامىتۋعا قول جەتكىزەمىز دەپ سەنەمىن»، - دەلىنگەن ءپۋتيننىڭ قۇتتىقتاۋىندا.
سونداي-اق ۆلاديمير پۋتين قاسىم-جومارت توقاەۆتىڭ الداعى رەسەيگە مەملەكەتتىك ساپارىن ەسكە سالىپ، قازاقستان حالقىنا اماندىق پەن وركەندەۋ، ال پرەزيدەنتكە دەنساۋلىق پەن تابىس تىلەدى.
