رەسپۋبليكا كۇنىن مەرەكەلەۋ قارساڭىندا ەلوردا جاستارى "مەنىڭ قازاقستانىم!" اتتى اكتسيا باستادى، دەپ حابارلايدى «ادىرنا» ءتىلشىسى ەلوردا اكىمدىگىنە سىلتەمە جاساپ.
جاستار ۇيلەردىڭ بالكوندارىنا مەملەكەتتىك تۋدى ءىلىپ قويعان. قازىرگى تاڭدا استانا كوشەلەرىندە 1000-عا جۋىق تۋ ءىلىنىپ تۇر.
"جىل سايىن وتباسىمىزبەن وسى چەللەندجگە قاتىسامىز، بالكونعا تۋ ءىلىپ قويامىز. بۇل قاراپايىم ارەكەت، بىراق سيمۆولدىق ءمانى بار. قالاداعى ءىلىنىپ تۇرعان تۋلاردى كورگەندە، ەلىڭ ءۇشىن ماقتانىش سەزىمى كەرنەيدى", - دەدى سارىارقا اۋدانىنىڭ تۇرعىنى.
اكىمدىك پاتريوتتىق اكتسيانىڭ جىل سايىن وتكىزىلەتىنىن اتاپ ءوتتى.
«بۇل اكتسيا ەلوردا كوشەلەرىندە جۇرگەن استانالىقتار مەن قالا قوناقتارىنا جۇرەك تەبىرەنتەر اسەر سىيلادى»،—دەلىنگەن حابارلامادا.
ەستەرىڭىزگە سالا كەتەيىك، مەملەكەتتىك رامىزدەردى ورنالاستىرۋ تۋرالى ەرەجەگە سايكەس، ازاماتتار ءوز ۇيلەرىنىڭ عيماراتتارى مەن بالكوندارىندا پاتريوتتىق سەزىمدەردى ءبىلدىرۋ جانە ۇلتتىق جەتىستىكتەردى قولداۋ ماقساتىندا مەملەكەتتىك تۋدى پايدالانۋعا قۇقىلى.
