ءماجىلىس دەپۋتاتى رينات زايىت دەنساۋلىق ساقتاۋ ماسەلەلەرى بويىنشا وزگەرىستەر ەنگىزۋ تۋرالى زاڭ جوباسىنىڭ تانىستىرىلىمىندا مەديتسينالىق ساقتاندىرۋدىڭ نەلىكتەن ەرىكتى تۇردە جۇرگىزىلمەيتىنىن سۇرادى، دەپ حابارلايدى «ادىرنا» ءتىلشىسى.
دەپۋتات دەنساۋلىق ساقتاۋ ءبىرىنشى ۆيتسە-ءمينيسترى تيمۋر سۇلتانعازيەۆكە دەنساۋلىق ساقتاۋ سالاسىنداعى ولقىلىقتاردى ايتىپ، ەلىمىزگە شەتەلدەن بىلىكتى دارىگەرلەردى الدىرتۋ، جەدەل-جاردەم تۋرالى بۇيرىقتى وزگەرتۋ ماسەلەسى جونىندە سۇراق قويدى.
«پرەزيدەنتتىڭ جولداۋىن 100 قاراپ شىقتىم. وندا مىندەتتى مەديتسينالىق ساقتاندىرۋ دەگەن جوق، ەرىكتى مەديتسينالىق ساقتاندىرۋ دەلىنگەن. ونى كىم، نەگە مىندەتتى ەتىپ جىبەردى؟ بۇگىنگى زاڭ جوبالارىڭىزدا مەديتسينالىق ءتۋريزمدى دامىتامىز دەدىڭىزدەر. شەتەلدەن قازاقستانعا ەمدەلۋشىلەردى تارتامىز دەيسىزدەر. بۇعان دەيىن ءبىز نەگە دارىگەرلەردى بىلىكتىلىگىن ارتتىرۋعا شەتەلگە جىبەرەمىز دەگەن ماسەلەنى كوتەرگەن ەدىك. نەگە ءبىز كەرەمەت دارىگەرلەردى شەتەلدەن الدىرمايمىز؟ قۇرىلعى وسىندا، اۋرۋحانا وسىندا، اۋرۋلار دا وسى ەلدە وتىر. بىراق ءبىز دارىگەرلەردى قارايعان اقشا ءبولىپ، جىل سايىن شەتەلگە جىبەرىپ وتىرمىز. ولاردان كورىپ جاتقان ناتيجەمىز جوق. تاعى ءبىر وزەكتى ماسەلە بار. جەدەل-جاردەم تۋرالى بۇيرىقتى وزگەرتەسىزدەر مە؟»— دەدى ول.
ۆيتسە-مينيستر ەرىكتى دەگەن – ەرىكتى مەديتسينالىق ساقتاندىرۋ ەكەنىن، ال مىندەتتىسى ودان بولەك ەكەنىن مالىمدەدى.
«دەنساۋلىق ساقتاۋ مينيسترلىگى دارىگەرلەردى شەتەلگە دە اپارىپ وقىدى، قاجەت جاعدايدا شەبەرلىك ساباقتارىن وتكىزۋ ءۇشىن شەتەلدىك مامانداردى ەلگە الىپ كەلەدى. جالپى ەكىجاقتى جۇمىس ءجۇرىپ جاتىر. ال جەدەل جاردەم قىزمەتىنە كەلسەك، ول بۇرىنعىشا جۇمىس ىستەپ جاتىر. پاتسيەنتتەرگە ەشقانداي وزگەرىس بولماعان، ءبارى دە قاجەتتى مەديتسينالىق كومەكتى ءبارى ارى قاراي الىپ جاتىر»،–دەپ ءتۇسىندىردى تيمۋر سۇلتانعازيەۆ.
