Mäjılıs deputaty Rinat Zaiyt Densaulyq saqtau mäselelerı boiynşa özgerıster engızu turaly zaŋ jobasynyŋ tanystyrylymynda medisinalyq saqtandyrudyŋ nelıkten erıktı türde jürgızılmeitının sūrady, dep habarlaidy «Adyrna» tılşısı.
Deputat Densaulyq saqtau bırınşı vise-ministrı Timur Sūltanǧazievke densaulyq saqtau salasyndaǧy olqylyqtardy aityp, elımızge şetelden bılıktı därıgerlerdı aldyrtu, jedel-järdem turaly būiryqty özgertu mäselesı jönınde sūraq qoidy.
«Prezidenttıŋ Joldauyn 100 qarap şyqtym. Onda mındettı medisinalyq saqtandyru degen joq, erıktı medisinalyq saqtandyru delıngen. Ony kım, nege mındettı etıp jıberdı? Bügıngı zaŋ jobalaryŋyzda medisinalyq turizmdı damytamyz dedıŋızder. Şetelden Qazaqstanǧa emdeluşılerdı tartamyz deisızder. Būǧan deiın bız nege därıgerlerdı bılıktılıgın arttyruǧa şetelge jıberemız degen mäselenı kötergen edık. Nege bız keremet därıgerlerdı şetelden aldyrmaimyz? Qūrylǧy osynda, auruhana osynda, aurular da osy elde otyr. Bıraq bız därıgerlerdı qaraiǧan aqşa bölıp, jyl saiyn şetelge jıberıp otyrmyz. Olardan körıp jatqan nätijemız joq. Taǧy bır özektı mäsele bar. Jedel-järdem turaly būiryqty özgertesızder me?»— dedı ol.
Vise-ministr erıktı degen – erıktı medisinalyq saqtandyru ekenın, al mındettısı odan bölek ekenın mälımdedı.
«Densaulyq saqtau ministrlıgı därıgerlerdı şetelge de aparyp oqydy, qajet jaǧdaida şeberlık sabaqtaryn ötkızu üşın şeteldık mamandardy elge alyp keledı. Jalpy ekıjaqty jūmys jürıp jatyr. Al jedel järdem qyzmetıne kelsek, ol būrynǧyşa jūmys ıstep jatyr. Pasientterge eşqandai özgerıs bolmaǧan, bärı de qajettı medisinalyq kömektı bärı ary qarai alyp jatyr»,–dep tüsındırdı Timur Sūltanǧaziev.
