سىبايلاس جەمقورلىققا قارسى ءىس-قيمىل اگەنتتىگىنىڭ بۇرىنعى توراعاسى اسحات جۇماعالي قازاقستان رەسپۋبليكاسىنىڭ باس پروكۋرورىنىڭ ورىنباسارى قىزمەتىنە تاعايىندالدى، دەپ حابارلايدى "ادىرنا" ۇلتتىق پورتالى.
بۇل تۋرالى اقوردا ءباسپاسوز قىزمەتى جازدى.
اسحات جۇماعالي 2000 جىلى ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن ۇزدىك تامامداعان.
2001 جىلدان بەرى پروكۋراتۋرا جانە سىبايلاس جەمقورلىققا قارسى ورگانداردا ءتۇرلى باسشىلىق قىزمەتتەر اتقارعان. قارجى پوليتسياسى مەن باس پروكۋراتۋرادا ەڭبەك ەتىپ، كەيىن قۇقىق قورعاۋ ورگاندارى اكادەمياسىن باسقارعان.
2018 جىلدان باستاپ سىبايلاس جەمقورلىققا قارسى قىزمەتتىڭ ورتالىق جانە وڭىرلىك بولىمشەلەرىن باسقارسا، 2022–2023 جىلدارى اگەنتتىك توراعاسىنىڭ ورىنباسارى بولعان.
ال 2023 جىلدان باستاپ سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى بولدى.
