اقتاۋدا پوليتسيا قىزمەتكەرىن پىشاقتاپ كەتتى. ەر ادام اۋرۋحاناعا ءتۇسىپ، سول جەردە كوز جۇمدى، دەپ حابارلايدى «ادىرنا» ءتىلشىسى lada.kz-كە سىلتەمە جاساپ.
قايعىلى وقيعا 3 تامىزعا قاراعان ءتۇنى 17-شاعىن اۋداندا بولعان.
ماڭعىستاۋ وبلىسىنىڭ پوليتسيا دەپارتامەنتى اقپاراتتى راستادى.
«ساعات 03:50-دە كەزەكشى بولىمگە مويىن تۇسىنان پىشاق جاراقاتىن العان 26 جاستاعى جىگىتتىڭ اۋرۋحاناعا جەتكىزىلگەنى تۋرالى اقپارات ءتۇستى. ول ەسىن جيماي، جانساقتاۋ بولىمىندە كوز جۇمدى. مارقۇم ەڭبەك دەمالىسىندا بولعان»،— دەپ ءتۇسىندىردى ۆەدومستۆو.
جەدەل ىزدەستىرۋ شارالارى بارىسىندا 27 جاستاعى كۇدىكتى انىقتالىپ، ۇستالدى.
اتالعان دەرەك قىلمىستىق كودەكستىڭ 99-بابىنىڭ 1-بولىگى (ادام ءولتىرۋ) بويىنشا اقتاۋ پوليتسيا باسقارماسىندا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلدى. سوت-مەديتسينالىق ساراپتاما تاعايىندالدى. قازىر تەرگەۋ امالدارى جۇرگىزىلۋدە.
<
