جامبىل وبلىسىنىڭ كۇشامان اۋىلىندا اڭشىلىق كەزىندە ءجاسوسپىرىم قازا تاپتى. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى "ادىرنا".
الەۋمەتتىك جەلىلەردە تاراعان اقپاراتقا سايكەس، 2012 جىلى تۋعان ەكى وقۋشى تۇندە قويان اۋلاۋعا شىققان. الايدا اڭدى توقتاتپاق بولعان بىرەۋى بايقاماي سىنىپتاسىنا وق اتقان.
جامبىل وبلىستىق پد 17 قازان كۇنى كۇدىكتىنىڭ پوليتسيا بولىمىنە جەتكىزىلگەنىن مالىمدەدى.
"قازىر بۇل فاكتى بويىنشا ابايسىزدا ادام ولىمىنە اكەپ سوققان وقيعا بويىنشا سوتقا دەيىنگى تەرگەۋ باستالدى. ءىستى جان-جاقتى جانە وبەكتيۆتى تەرگەۋ ءۇشىن بارلىق قاجەتتى تەرگەۋ ارەكەتتەرى جۇرگىزىلۋدە", — دەلىنگەن ۆەدومستۆو حابارلاماسىندا.سونىمەن قاتار پوليتسيا كامەلەتكە تولماعانداردىڭ اتا-انالارىنىڭ بالالارىنا ءتيىستى باقىلاۋ جاساماعانى جانە ولاردىڭ اتىس قارۋىنا قول جەتكىزۋىنە جول بەرگەنى ءۇشىن جاۋاپكەرشىلىگى قارالاتىنىن اتاپ ءوتتى.
"قىلمىستىق-پروتسەستىك كودەكستىڭ 201-بابىنا سايكەس وزگە دەرەكتەر تەرگەۋ مۇددەسىنە وراي جاريا ەتىلمەيدى", — دەدى ءتارتىپ ساقشىلارى.ۇقساس جاڭالىقتار
