مەملەكەت باسشىسىنىڭ تاپسىرماسىن ورىنداۋ ماقساتىندا «قازاۆتوجول» ۇلتتىق كومپانياسى ۇزىندىعى 208 شاقىرىمدى قۇرايتىن «جەزقازعان – قىزىلوردا» رەسپۋبليكالىق ماڭىزى بار اۆتوموبيل جولىن قايتا جاڭارتۋ جۇمىستارىن قارقىندى تۇردە جۇرگىزىپ جاتىر.
اتالعان جوبا ەلىمىزدىڭ باتىس جانە وڭتۇستىك وڭىرلەرىن بايلانىستىراتىن ماڭىزدى كولىك ءدالىزى سانالادى. جولدىڭ ساپاسىن ارتتىرۋ ءوڭىردىڭ الەۋمەتتىك-ەكونوميكالىق دامۋىنا، جۇك جانە جولاۋشىلار تاسىمالىنىڭ كولەمىن ۇلعايتۋعا، سونداي-اق جول-كولىك قاۋىپسىزدىگىن قامتاماسىز ەتۋگە مۇمكىندىك بەرەدى.
جوبا اياسىندا جول ۋچاسكەسى ءىىى تەحنيكالىق ساناتتان ءىى ساناتقا اۋىستىرىلىپ، قوزعالىس جولاقتارىنىڭ ەنى كەڭەيتىلەدى، زاماناۋي ينجەنەرلىك ينفراقۇرىلىم، سۋ وتكىزۋ قۇبىرلارى مەن جول بويىنداعى قىزمەت كورسەتۋ نىساندارى جاڭارتىلادى.
قازىرگى تاڭدا جولدىڭ نەگىزىن ازىرلەۋ، قۇمدى قيىرشىق تاستان تومەنگى قابات توسەۋ، جەر توسەمىن نىعايتۋ جانە جول جابىنىنا ارنالعان ماتەريالداردى جەتكىزۋ جۇمىستارى جۇرگىزىلۋدە. قۇرىلىس جۇمىستارىنا ونداعان ارنايى تەحنيكا مەن جۇزدەگەن جول جۇمىسشىسى تارتىلعان.
مامانداردىڭ ايتۋىنشا، جوبا تولىق اياقتالعان سوڭ جول پايدالانۋ ساپاسى ايتارلىقتاي جاقسارىپ، كولىك قاتىناسى بارىنشا قاۋىپسىز ءارى ىڭعايلى بولماق. بۇل ءوز كەزەگىندە ءوڭىر حالقى مەن كاسىپكەرلەرى ءۇشىن جاڭا مۇمكىندىكتەر اشادى.
