ۇلىتاۋ وبلىسى اكىمىنىڭ ورىنباسارى جانىبەك ءنوپىروۆتىڭ توراعالىعىمەن Zhonghe Yuǎnjǐng (چەندۋ) قىتاي ينۆەستورلارىمەن كەزدەسۋ ءوتتى. كومپانيا ۇلىتاۋ وبلىسىنا شامامەن 10 ميلليارد تەڭگە كولەمىندە ينۆەستيتسيا قۇيۋدى جوسپارلاپ وتىر.
ينۆەستيتسيالىق جوبالاردىڭ ىشىندە قىزىل كىرپىش زاۋىتى، گلينا مەن قۇمدى-قيىرشىق تاس قوسپالارىن ءوندىرۋ جانە جەزكازعان قالاسىندا تۇرعىن ءۇي كەشەندەرىن سالۋ (ونىڭ ىشىندە رەنوۆاتسيا جوبالارى) بار. ينۆەستورلار وبلىس اۋماعىمەن تانىسىپ، اسىرەسە تالاپ اۋىلىنداعى بوس جەر ۋچاسكەلەرىن زەرتتەدى. قازىرگى تاڭدا قىزىل كىرپىش زاۋىتى ءۇشىن جەر ماسەلەسى، سونداي-اق جالپى پايدالى قازبالاردى وندىرۋگە ليتسەنزيا الۋ ماسەلەلەرى تالقىلانۋدا.
كومپانيا وڭىردە ينفراقۇرىلىمدىق جوبالاردى ىسكە اسىرۋعا ۇلكەن قىزىعۋشىلىق تانىتىپ وتىر. وبلىس اكىمدىگى ۇزاق مەرزىمدى سەرىكتەستىك جەرگىلىكتى ەكونوميكانى دامىتۋعا جانە جاڭا جۇمىس ورىندارىن اشۋعا ايتارلىقتاي ۇلەس قوسادى دەپ سەنەدى.
