ساتباەۆ قالاسىندا «وتان – مەنىڭ نامىسىم، بورىشىم» اتتى اۋماقتىق قورعانىس روتاسى اسكەري مىندەتتىلەرىنىڭ وقۋ-جاتتىعۋ جيىنىنىڭ سالتاناتتى جابىلۋى ءوتتى. جيىن 9-18 ماۋسىم ارالىعىندا ءوتىپ، وعان وبلىس كولەمىنەن شاقىرىلعان اسكەري مىندەتتى ازاماتتار قاتىستى.
وقۋ-جاتتىعۋ جيىنىنىڭ باستى ماقساتى – اسكەري مىندەتتىلەردىڭ دايىندىق دەڭگەيىن ارتتىرۋ، جەدەل ءىس-قيمىل جانە توتەنشە جاعدايلاردا ارەكەت ەتۋ داعدىلارىن جەتىلدىرۋ بولدى. جاتتىعۋلار بارىسىندا قاتىسۋشىلار دالالىق جاعدايدا اسكەري ءىس-قيمىل ەلەمەنتتەرىن ورىنداپ، ءتۇرلى تاكتيكالىق جانە ۇيىمداستىرۋشىلىق تاپسىرمالاردى پىسىقتادى.
جابىلۋ سالتاناتىندا بىرقاتار اسكەري مىندەتتى ازاماتقا بەلسەندىلىگى مەن جوعارى كاسىبيلىگى ءۇشىن ۇلىتاۋ وبلىسى اكىمىنىڭ ورىنباسارى الماز ىدىرىسوۆتىڭ اتىنان ارنايى العىسحاتتار تابىستالدى.
ءىس-شارا سوڭىندا سالتاناتتى ساپ تۇزەۋ ءراسىمى ءوتىپ، قاتىسۋشىلار قازاقستان رەسپۋبليكاسىنا ادال قىزمەت ەتۋگە دايىن ەكەندەرىن تاعى ءبىر مارتە پاش ەتتى.
