ۇلتتىق قاۋىپسىزدىك كوميتەتىنىڭ بۇرىنعى توراعاسى كارىم ءماسىموۆتىڭ ۇيىنەن تاركىلەنگەن ءساندى بۇيىمدار 7 قازاندا وتكەن اۋكتسيوندا ساتىلدى، دەپ حابارلايدى «ادىرنا» ءتىلشىسى.
ساتىلىمعا قويىلعان مۇلىكتىڭ جالپى قۇنى 3,5 ميلليون تەڭگەدەن اسادى. قايتارىلعان اكتيۆتەردى باسقارۋ كومپانياسىنىڭ مالىمەتىنشە، ون لوتتىڭ جەتەۋى ساتىلعان.
اتاپ ايتساق، Montegrappa Italia كۇمىس (925 سىناما) قالامى 440 مىڭ تەڭگەگە وتكەن. قۇران سۇرەلەرىمەن بەزەندىرىلگەن Visconti Firenze قالامى 402 مىڭ تەڭگەگە ساتىلعان. بۇعان دەيىن بۇل قالامدار 628 مىڭ جانە 575 مىڭ تەڭگە باعاسىمەن اۋكتسيونعا قويىلىپ، وتپەي قالعان بولاتىن.
سابى سۇيەكتەن سوعىلعان قىلىش - 930 مىڭ تەڭگەگە، ال سارى مەتالدان جاسالعان ورنەكتى قىلىش 837 مىڭ تەڭگەگە ساتىلعان. قىلىشتار بولاتتان سوعىلعان.
ودان بولەك، «الما وتانى»، «استانا»، «بايتەرەك» جانە «قازاقستان كارتاسى» اتتى مونەتالار جيىنتىعى شامامەن 199 مىڭ تەڭگەگە ساتىلعان. 1000 تەڭگەلىك (2003) جانە 500 تەڭگەلىك «ەۋرازيا ەلدەرىنىڭ استانالارى» (2008) — 82 999 تەڭگەگە وتكەن.
ەسكە سالايىق، كارىم ءماسىموۆ 2022 جىلعى قاڭتارداعى وقيعا كەزىندە ۇستالعان ەدى. 2023 جىلدىڭ ءساۋىر ايىندا ول مەملەكەتكە وپاسىزدىق جاساعانى، بيلىكتى كۇشپەن باسىپ الۋعا تىرىسقانى، بيلىك پەن لاۋازىمدىق وكىلەتتىكتەرىن اسىرا پايدالانعانى ءۇشىن 18 جىلعا باس بوستاندىعىنان ايىرىلدى.
