قر ۇلتتىق قاۋىپسىزدىك كوميتەتى (ۇقك) اۋكتسيونعا قويىلعان ۇشاقتىڭ 2021 جىلدىڭ 13 ناۋرىزىندا اپاتقا ۇشىراعانىن راستادى. بۇل تۋرالى سMN.KZ جازدى، دەپ حابارلايدى “ادىرنا” ۇلتتىق پورتالى.
بۇعان دەيىن 10 اقپاندا "قازسپەتسەكسپورت" ان-26 ۇشاعىنىڭ سىنىقتارىن اۋكتسيونعا قويىلعانىن، ونىڭ 26 اقپاندا ساتۋ بويىنشا اۋكتسيون وتەتىنىن حابارلادىق.
ۇشاقتىڭ باستاپقى باعاسى 1,3 ميلليون تەڭگەدەن باستالدى. اۋكتسيونعا قاتىسۋ ءۇشىن 810 897 تەڭگە مولشەرىندە اقشا تولەۋ قاجەت. بۇل باعا 14,6 توننا سىنىقتىڭ نارىقتىق قۇنىنان الدەقايدا تومەن بولدى، ويتكەنى باعالاۋ بويىنشا ول 5,4 ميلليون تەڭگەدەن اساتىن ەدى.
اۋكتسيونعا ءبىر قاتىسۋشىنىڭ قاتىسۋىنا رۇقسات ەتىلگەنىمەن، وتكىزىلگەن تەندەردە «ەكى قاتىسۋشىدان از» بولعاندىقتان كوميسسيا (ساتۋشى) تەك قانا ەكى قاتىسۋشىنى ساۋداعا جىبەرگەن. ناتيجەسىندە اپاتقا ۇشىراعان ان-26 ۇشاعى الماتى وبلىسىنداعى بورالداي اۋىلىندا قالىپ قويدى. قازىرگى كەزدە ول ۇقك-ءنىڭ «اۆياتسيالىق قىزمەتى» ەسەبىندە تۇر.
ەسكە سالساق، 2021 جىلدىڭ ناۋرىز ايىندا الماتى ماڭىندا استانا-الماتى باعىتىنا ۇشقان ان-26 ۇشاعى اپاتقا ۇشىراعان بولاتىن. ۇشاق بورتىندا قازاقستان رەسپۋبليكاسى ۇلتتىق قاۋىپسىزدىك كوميتەتى اۆياتسيا قىزمەتىنىڭ التى قىزمەتكەرى بولعان. ولاردىڭ تورتەۋى سول جەردە كوز جۇمدى، تاعى ەكەۋى جاراقات الىپ، 95 كۇننەن كەيىن اۋرۋحانادان شىعارىلدى.
اپاتقا ۇشىراعان ان-26 ۇشاعىنىڭ بورت ءنومىرى 02 بولسا، اۋكتسيونعا قويىلعان ۇشاقتا دا وسىنداي ءنومىر بويالعان. ۇقك CMN.KZ ءتىلشىسىنىڭ ساۋالىنا بەرگەن جاۋابىندا ايتقانداي، بۇل شىنىمەن دە ءدال سول ۇشاق.
«ان-26 ۇشاعىنىڭ سىنىعى 2001 جىلدان بەرى ۇقك بالانسىندا. ۇشاق 2021 جىلدىڭ 13 ناۋرىزىندا كۇردەلى مەتەورولوگيالىق جاعدايلار سەبەبىنەن اپاتقا ۇشىرادى. قازا بولعانداردىڭ وتباسىلارىنا اقشالاي وتەماقى تولەندى»، – دەپ اتاپ ءوتتى ۇقك.
سونىمەن قاتار، ۆەدومستۆو 8, 13 ناۋرىز، 1 ماۋسىم جانە 31 جەلتوقساندا ۇقك قىزمەتكەرلەرى قازا تاپقانداردىڭ وتباسىلارىنا بارىپ، كومەك كورسەتەتىنىن مالىمدەدى.
