باق وكىلدەرى اراسىنداعى ءداستۇرلى «ۇركەر» – 2025 ۇلتتىق سىيلىعىنا ءوتىنىم قابىلداۋ باستالدى. قازاقستان رەسپۋبليكاسى مادەنيەت جانە اقپارات مينيسترلىگىنىڭ ۇيىمداستىرۋىمەن وتەتىن بايقاۋعا مەدياكونتەنت وندىرەتىن جانە تاراتاتىن رەسپۋبليكالىق، وڭىرلىك راديوستانتسيالار، باسپا جانە ينتەرنەت-باسىلىمدار قاتىسا الادى، دەپ حابارلايدى "ادىرنا".
وتىنىمدەر 2025 جىلعى 1-20 قازان ارالىعىندا قابىلدانادى.
كونكۋرستىق جۇمىستار 2024 جىلعى 12 تامىز بەن 2025 جىلعى 30 قىركۇيەك ارالىعىندا رەسپۋبليكالىق نەمەسە وڭىرلىك باسپا جانە ينتەرنەت-باسىلىمداردا جاريالانۋى، نە راديوەفيردە شىعۋى ءتيىس. ءار ۇمىتكەر بايقاۋدىڭ تەك ەكى نوميناتسياسىنا عانا قاتىسا الادى.
وتىنىمدەر urker-awards.kz رەسمي سايتىندا 11 نوميناتسيا بويىنشا قابىلدانادى:
- جىلدىڭ ۇزدىك سۇحباتى;
- جىلدىڭ ۇزدىك رەپورتاجى;
- الەۋمەتتىك تاقىرىپتاعى ۇزدىك ماتەريال;
- جىلدىڭ ۇزدىك جۋرناليستىك زەرتتەۋى;
- جىلدىڭ ۇزدىك اناليتيكالىق ماتەريالى;
- راديوستانتسياداعى ۇزدىك جوبا;
- جىلدىڭ ۇزدىك فوتوسۋرەتى;
- جىلدىڭ ۇزدىك جاڭالىقتار پورتالى;
- جىلدىڭ ۇزدىك وڭىرلىك باق;
- جىلدىڭ ۇزدىك پودكاستى;
- جىلدىڭ ۇزدىك YouTube-ارناسى.
جۇمىستاردى بەدەلدى جۋرناليستەر، سالانىڭ ەڭبەك سىڭىرگەن قايراتكەرلەرى مەن مەدياساراپشىلاردان قۇرالعان تاۋەلسىز قازىلار القاسى باعالايدى.
كونكۋرس قورىتىندىسى بويىنشا ءار نوميناتسيا جەڭىمپازىنا «ۇركەر – 2025» ەستەلىك ءمۇسىنى جانە 1 000 000 تەڭگە كولەمىندە اقشالاي سىياقى تابىستالادى.«ۇركەر» ۇلتتىق سىيلىعى – باسپا، راديو جانە ينتەرنەت-جۋرناليستيكا سالاسىنداعى ۇزدىك جەتىستىكتەر ءۇشىن بەرىلەدى.
