رەسەي فەدەراتسياسىنىڭ باس پروكۋراتۋراسى ستراتەگيالىق نىسان سانالاتىن تۋاپسە تەڭىز ساۋدا پورتىن مەملەكەت مەنشىگىنە قايتارۋ تۋرالى تالاپ قويدى، دەپ حابارلايدى "ادىرنا" ۇلتتىق پورتالى caliber.az-عا سىلتەپ.
ۆەدومستۆونىڭ مالىمەتىنشە، پورت بىرنەشە رەت يەسىن اۋىستىرعان. بۇل مامىلەلەردىڭ بارلىعى اكتيۆتى زاڭداستىرۋ ماقساتىندا جاسالعان دەپ سانالادى. سونىڭ ناتيجەسىندە ستراتەگيالىق نىسان بريتاندىق ۆيرگين ارالدارىندا تىركەلگەن وفشورلىق كومپانياعا وتكەن.
بەلگىلى بولعانداي، تۋاپسە پورتىنىڭ يەسى دەلىنگەن شاحلار نوۆرۋزوۆ - كۋبانداعى ازەربايجان دياسپوراسىنىڭ مۇشەسى. ول «ەسكى باكۋ» اتتى ءدامحانانىڭ يەسى.
2025 جىلدىڭ قىركۇيەگىندە ول اسا ءىرى كولەمدەگى الاياقتىق جاساماق بولدى دەگەن كۇدىكپەن ۇستالدى. تەرگەۋ مالىمەتىنشە، ول 920 ملن رۋبلدىك اكتيۆتەرى بار قوعامنىڭ ۇلەستەرىن يەمدەنۋگە تىرىسقان. الاياقتىق ارەكەتىن جالعان نەكە كۋالىگىن قولدانۋ ارقىلى ىسكە اسىرماق بولعان دەلىنەدى.
وسى ۋاقىتتا كاسىپكەر نوۆرۋزوۆتىڭ ۇلى «سيپاين رەزورت» جشس اتتى قۇرىلىس كومپانياسىنا يەلىك ەتەدى. كومپانيا قارا تەڭىزگە قالدىقتاردى توگىپ، تۋاپسە اۋدانىنىڭ سوسنوۆوي اۋىلىندا قوناقۇي سالۋ كەزىندە قارا توپىراقتى بۇلدىرگەن.
پروكۋراتۋرا اتالعان كومپانيادان 1 ملرد رۋبل ءوندىرىپ الۋدى تالاپ ەتتى.
