الماتىدا وتەتىن «قايرات» – «رەال مادريد» ماتچىنا 5 مىڭنان استام تۋريست كەلگەن، دەپ حابارلايدى "ادىرنا" ۇلتتىق پورتالى.
بۇل تۋرالى قالالىق تۋريزم باسقارماسى حابارلادى.
30 قىركۇيەكتە وتەتىن چەمپيوندار ليگاسىنىڭ جالپى كەزەڭىندەگى تاريحي ويىن الماتىنىڭ ورتالىق ستاديونىندا ۇيىمداستىرىلادى. وعان تەك شەتەلدەن ەمەس، قازاقستاننىڭ وزگە وڭىرلەرىنەن دە جانكۇيەرلەر اعىلدى. قالاعا كەلگەن قوناقتاردىڭ جالپى سانى ون مىڭداعان ادامعا جەتكەن.
تۋريستەردىڭ نەگىزگى لەگى قىتاي، ءۇندىستان، رەسەي، جاپونيا، ۇلىبريتانيا، يسپانيا، چەحيا جانە وزگە ەلدەردەن كەلگەن. تۋريست سانى 5 مىڭعا جۋىقتاعانى حابارلاندى.
ويىنعا بايلانىستى الماتىدا قاۋىپسىزدىك شارالارى كۇشەيتىلدى. ءتارتىپتى 2 382 پوليتسيا قىزمەتكەرى قاداعالايدى. ستاديون اۋماعىندا مەتاللودەتەكتورلار، قول سكانەرلەرى ورناتىلىپ، جەدەل جاردەم مەن ءورت ءسوندىرۋ بريگادالارى كەزەكشىلىك ەتەدى. جانكۇيەرلەردىڭ قوزعالىسىن جەڭىلدەتۋ ءۇشىن ماتچتان كەيىن 60 قوسىمشا اۆتوبۋس قاتىنايدى.
ماتچتىڭ تىكەلەي ترانسلياتسياسى ساعات 21:35-تە «Qazaqstan» جانە «Qazsport» ارنالارى ارقىلى كورسەتىلەدى. سونداي-اق ويىن وسى ارنالاردىڭ رەسمي سايتتارىنان ونلاين كورۋگە مۇمكىندىك بار.
