Almatyda ötetın «Qairat» – «Real Madrid» matchyna 5 myŋnan astam turist kelgen, dep habarlaidy "Adyrna" ūlttyq portaly.
Būl turaly qalalyq turizm basqarmasy habarlady.
30 qyrküiekte ötetın Chempiondar ligasynyŋ jalpy kezeŋındegı tarihi oiyn Almatynyŋ Ortalyq stadionynda ūiymdastyrylady. Oǧan tek şetelden emes, Qazaqstannyŋ özge öŋırlerınen de janküierler aǧyldy. Qalaǧa kelgen qonaqtardyŋ jalpy sany on myŋdaǧan adamǧa jetken.
Turisterdıŋ negızgı legı Qytai, Ündıstan, Resei, Japoniia, Ūlybritaniia, İspaniia, Chehiia jäne özge elderden kelgen. Turist sany 5 myŋǧa juyqtaǧany habarlandy.
Oiynǧa bailanysty Almatyda qauıpsızdık şaralary küşeitıldı. Tärtıptı 2 382 polisiia qyzmetkerı qadaǧalaidy. Stadion aumaǧynda metallodetektorlar, qol skanerlerı ornatylyp, jedel järdem men ört söndıru brigadalary kezekşılık etedı. Janküierlerdıŋ qozǧalysyn jeŋıldetu üşın matchtan keiın 60 qosymşa avtobus qatynaidy.
Matchtyŋ tıkelei transliasiiasy saǧat 21:35-te «Qazaqstan» jäne «Qazsport» arnalary arqyly körsetıledı. Sondai-aq oiyn osy arnalardyŋ resmi saittarynan onlain köruge mümkındık bar.
