الماتىدا Salem Entertainment كومپانياسىنىڭ قابىرعاسىندا اكتەر، رەجيسسەر، ستسەناريست ءارى پروديۋسەر دجەكي چانمەن جۇمىس كەزدەسۋى ءوتتى، دەپ حابارلايدى "ادىرنا" ۇلتتىق پورتالى.
كومپانيا مالىمەتىنشە، تاراپتار ءىرى بىرلەسكەن جوبانى جۇزەگە اسىرۋعا كىرىستى. اكتەر الماتىعا كەلگەن ساپارىندا ءتۇسىرىلىم الاڭدارىن ءوزى ارالاپ كوردى. ءفيلمنىڭ نەگىزگى بولىگى قازاقستاندا تۇسىرىلمەك.
دجەكي چان بۇل تۋرالى ءوزىنىڭ رەسمي پاراقشاسىندا جازدى.
«الماتىدا ءتۇسىرىلىم الاڭدارىن تاڭدادىم. كورسەتكەن قوناقجايلىلىعى ءۇشىن Salem Entertainment-كە العىس ايتامىن»، – دەپ جازدى.
Salem Entertainment وكىلدەرى ازىرگە جوبانىڭ تولىق مالىمەتىن قۇپيا ساقتاپ وتىرعانىن اتاپ ءوتتى.
«سەنىڭىزدەر، الدا عالامات جاڭالىقتار كۇتىپ تۇر. جاڭالىقتارىمىزدى باقىلاپ وتىرىڭىزدار، ەڭ قىزىقتىسى ءالى الدا»، – دەلىنگەن كومپانيا حابارلاماسىندا.
ايتا كەتەيىك، دجەكي چاننىڭ الماتىعا كەلگەنى تۋرالى حابارلاعان ەدىك.
