Almatyda Salem Entertainment kompaniiasynyŋ qabyrǧasynda akter, rejisser, ssenarist ärı prodiuser Djeki Chanmen jūmys kezdesuı öttı, dep habarlaidy "Adyrna" ūlttyq portaly.
Kompaniia mälımetınşe, taraptar ırı bırlesken jobany jüzege asyruǧa kırıstı. Akter Almatyǧa kelgen saparynda tüsırılım alaŋdaryn özı aralap kördı. Filmnıŋ negızgı bölıgı Qazaqstanda tüsırılmek.
Djeki Chan būl turaly özınıŋ resmi paraqşasynda jazdy.
«Almatyda tüsırılım alaŋdaryn taŋdadym. Körsetken qonaqjailylyǧy üşın Salem Entertainment-ke alǧys aitamyn», – dep jazdy.
Salem Entertainment ökılderı äzırge jobanyŋ tolyq mälımetın qūpiia saqtap otyrǧanyn atap öttı.
«Senıŋızder, alda ǧalamat jaŋalyqtar kütıp tūr. Jaŋalyqtarymyzdy baqylap otyryŋyzdar, eŋ qyzyqtysy älı alda», – delıngen kompaniia habarlamasynda.
Aita keteiık, Djeki Channyŋ Almatyǧa kelgenı turaly habarlaǧan edık.
