Латынамерикалық Dears қауымы Димаш Құдайбергеннің репертуарындағы әнді қазақша орындады, деп хабарлайды “Адырна” ұлттық порталы Zakon.kz-ке сілтеп.
Әншінің баспасөз қызметінің мәліметінше, бейнежазба “Latam, Voices of Love” жобасы аясында түсірілген. Аргентина, Мексика, Перу, Чили, Боливия, Уругвай, Доминикан Республикасы және Коста-Рикадан келген жанкүйерлер қазақ тілінде ән орындап, Қазақстан мәдениетіне және Димаштың шығармашылығына құрмет көрсетті.
“Angel Love” әнінің авторы – композитор Ренат Гайсин, ал сөзін жазған – ақын Қалқаман Сарин.
Жобаға қатысушылардың айтуынша, олар қазақ тілінде ән орындау арқылы тек әуенді ғана емес, әннің рухы мен жанын жеткізуді мақсат еткен.
Новости по теме
