ۋكراينا باسشىسى ۆلاديمير زەلەنسكي قازاقستاندا پۋتينمەن كەلىسسوزدەر جۇرگىزۋگە دايىن ەكەنىن مالىمدەدى. بۇل تۋرالى ول Fox News تەلەارناسىنا بەرگەن سۇحباتىندا ايتتى، دەپ حابارلايدى «ادىرنا» ءتىلشىسى.
زەلەنسكي كەزدەسۋ وتكىزۋگە بولاتىن الاڭ رەتىندە تۇركيا، ساۋد ارابياسى، قاتار، اۆستريا، شۆەيتساريا ەلدەرىن اتاپ ءوتتى.
ء«بىز كەزدەسۋدى تۇركيا، ساۋد ارابياسى، قاتار، ەۋروپانىڭ اۆستريا مەن شۆەيتساريا سەكىلدى بەيتاراپ ەلدەرىندە وتكىزۋدى ۇسىندىق. ءبىز وعان: «ەگەر ءسىز قازاقستان سياقتى ەلدە كەزدەسكىڭىز كەلسە، ءبىز دايىنبىز»،– دەدىك. بارى وسى»، – دەپ ءتۇسىندىردى زەلەنسكي.
جۇرگىزۋشى ءسوزىن ناقتىلاۋدى سۇراعان كەزدە زەلەنسكي رەسەي باسشىسىمەن كەزدەسۋگە دايىن ەكەنىن راستادى. ايتۋىنشا، بۇعان دەيىن پۋتين جوعارى دەڭگەيدەگى كەزدەسۋ وتەتىن ورىن رەتىندە ماسكەۋدى اتاعان.
ەسكە سالايىق، 23 قىركۇيەكتە بۇۇ باس اسسامبلەياسىنىڭ 80-ءشى سەسسياسى الاڭىندا قاسىم-جومارت توقاەۆ ۋكراينا باسشىسى ۆلاديمير زەلەنسكيمەن كەزدەسكەن ەدى.
