2025 jyldyŋ 17 qyrküiegınde Fitch Ratings halyqaralyq reitingtık agenttıgı Halyk Bank-tıŋ şetel jäne ūlttyq valiutadaǧy ūzaq merzımdı reitingın «Tūraqty» boljammen «BBB-» deŋgeiınde bekıttı.
Fitch Ratings Qazaqstannyŋ bank sektoryndaǧy HalykBank-tıŋ joǧary naryqtyq ülesı, tabystylyqtyŋ tūraqty joǧary körsetkışterı, eleulı kapitaldandyru jäne ornyqty ötımdılık reitingtı qoldaityn negızgı faktorlar bolyp tabylatynyn atap öttı. Agenttıktıŋ mälımetınşe, «Tūraqty» boljam Halyk Bank-tıŋ kredittık körsetkışterı orta merzımdı perspektivada küştı bolyp qala beretının körsetıp tūr.
Fitch Ratings Halyk Bank-tıŋ korporativtık jäne bölşek biznestegı küştı naryqtyq pozisiialary jäne teŋdestırılgen kredittık portfelı bar senımdı biznes-modelın, sondai-aq Bank aktivterınıŋ sapasy soŋǧy bes jylda aitarlyqtai jaqsarǧanyn atap öttı. Sonymen qatar, Agenttık tūraqty marjanyŋ, joǧary operasiialyq tiımdılıktıŋ jäne täuekeldıŋ tömen qūnynyŋ arqasynda 2025-2026 jyldary Banktıŋ joǧary tabystylyǧynyŋ saqtaluyn kütedı.
«Fitch Ratings agenttıgınıŋ bergen kredittık reitingı özgermelı ekonomikalyq orta men syrttan töngen syndar jaǧdaiynda Banktıŋ tiımdı jūmysyn, al bergen baǧasy Halyk-tyŋ Qazaqstannyŋ bank naryǧyndaǧy jetekşı oiynşy retındegı qarjylyq tūraqtylyǧy men senımdılıgın körsetedı. Sondai-aq būl naryqtyŋ Halyk-qa körsetkensenımı men senımdılıgınıŋ dälelı», - delıngen banktıŋ habarlamasynda.
Halyq Bankı – bölşek, ŞOB jäne korporativtık bank qyzmetterın, saqtandyrudy, lizingtı, brokerlık qyzmetterdı, aktivterdı basqarudy jäne ömırge qajettı qyzmetterdı (laifstail) qosa alǧanda, ärtürlı segmentterde jūmys ısteitın Qazaqstandaǧy jetekşı qarjy toby. Halyq Bankınıŋ Qazaqstan qor birjasynda 1998 jyldan berı, London qor birjasynda 2006 jyldan berı jäne Astana halyqaralyq birjasynda 2019 jyldan berı listingı bar.
2025 jylǧy 30 mausym jaǧdaiy boiynşa Bank jiyntyǧynda 19,616 mlrd teŋge mölşerındegı aktivterge ie bola otyryp, Qazaqstandaǧy eŋ ırı kreditor bolyp tabylady. Bank eldegı eŋ ırı klienttık bazalardyŋ bırıne ie jäne filial jelısı keŋ taraǧan, el boiynşa 542 filialy men bölımşesı bar. Sonymen qatar Bank Gruziia men Özbekstanda qyzmet etedı.
