اقش-تاعى ساياسي بەلسەندى ءارى ترامپتىڭ جاقتاسى چارلي كيركتىڭ قازاسىنا بايلانىستى اريزونا شتاتىنداعى State Farm ستاديونىندا ازا تۇتۋ ءراسىمى ءوتتى. ءراسىم بارىسىندا ساياساتكەردىڭ جەسىرى ەريكا كيرك كۇيەۋىن اتقان ادامدى كەشىرگەنىن ايتتى، دەپ حابارلايدى "ادىرنا" ۇلتتىق پورتالى CNN ارناسىنا سىلتەمە جاساپ.
ول ىنجىلدەن ءۇزىندى كەلتىرىپ، يسا ءماسىحتىڭ ايقىش اعاشتا ايتقان سوزدەرىن ەسكە سالدى.
ەريكا كيرك كۇيەۋىنىڭ باستى ميسسياسى جاستاردى رەنىش، اشۋ جانە وشپەندىلىككە تولى ءمانسىز ومىردەن قۇتقارۋ بولعانىن اتاپ ءوتتى. «مەن ونى كەشىرەمىن، ويتكەنى حريستوس تا سولاي ەتتى. وشپەندىلىككە جاۋاپ – وشپەندىلىك ەمەس»، – دەدى ول.
اقش پرەزيدەنتى دونالد ترامپ، كەرىسىنشە، كيركتىڭ ءولتىرۋشىسىن «راديكالدانعان، سۋىققاندى قۇبىجىق» دەپ اتادى.
ايتا كەتەيىك، بۇل قىلمىسقا 22 جاستاعى تايلەر روبينسون ايىپتالعان بولاتىن. پرەزيدەنت كۇدىكتىنى ۇستاۋعا ونىڭ اكەسى كومەكتەسكەنىن مالىمدەگەن ەدى. سونداي-اق ترامپ ايىپتالۋشىنىڭ ءولىم جازاسىنا كەسىلەتىنىنەن ۇمىتتەنىپ وتىرعانىن ايتتى
قوشتاسۋ راسىمىندە ترامپ امەريكالىق كاسىپكەر يلون ماسكپەن بىرگە وتىرىپ، اڭگىمەلەستى.
ەسكە سالا كەتسەك، چارلي كيرككە قاستاندىق 10 قىركۇيەكتە يۋتا شتاتىنداعى ۋنيۆەرسيتەتتەردىڭ بىرىندە ءسوز سويلەپ تۇرعان ساتتە جاسالعان. ول موينىنان جارالانىپ، اۋىر حالدە اۋرۋحاناعا جەتكىزىلگەنىمەن، كوز جۇمدى. ارتىندا ايەلى مەن ەكى بالاسى قالدى.
