دەپۋتات استانانىڭ كىرەبەرىسىنە بلوك-بەكەت ورناتۋدى تالاپ ەتتى، دەپ حابارلايدى "ادىرنا" ءتىلشىسى كتك جاڭالىقتارىنا سىلتەمە جاساپ.
ءماسليحات دەپۋتات استاناعا كەلەتىندەردىڭ سانىن ازايتۋ ءۇشىن بلوك-بەكەت قويۋدى ۇسىندى. ايماقتاردان استاناعا اعىلعان كوش ازامات ايتقوجيننىڭ شامىنا تيگەن ەكەن.
كىم كورىنگەن كەلەدى. «ماعان پاتەر كەرەك»، «ماعان اناۋ كەرەك، مىناۋ كەرەك». بلوك-بەكەت قويىڭدار، ءبىتتى! ءبارى استاناعا اعىلادى، استانا سوزىلا بەرەتىن رەزەڭكە ەمەس قوي، - دەدى استانا ءماسليحاتىنىڭ دەپۋتاتى ازامات ايتقوجين.
ءماسليحات دەپۋتاتىنىڭ بۇل ماسەلەسىنە كوشى-قون كوميتەتىنىڭ توراعاسى اسقاربەك ەرتاەۆ جاۋاپ بەردى.
بلوك-بەكەتتەرگە كەلەتىن بولساق، بۇل ماسەلە ىشكى ىستەر مينيسترلىگىنىڭ قۇزىرەتىنە جاتادى. ال جالپى ميگرانتتار استاناعا كۆوتامەن كەلەدى. ونى اكىمدىك بەلگىلەيدى. قانداي دا ءبىر باقىلاۋسىز ،كوشى-قون اعىنى بار دەگەن ماسەلە جوق، استاناعا كەلەتىن بارلىق ەڭبەك ميگرانتى كۆوتا بويىنشا رەتتەلەدى، - دەدى قر كوشى-قون كوميتەتىنىڭ توراعاسى اسقاربەك ەرتاەۆ.
