«التىنالماس» اق-نىڭ وندىرىستىك نىساندارىنىڭ بىرىندە قايعىلى وقيعا ورىن الدى. «پۋستىننوە» تاۋ-كەن بايىتۋ كەشەنىنىڭ كونۆەيەر ءماشينيسى قازا تاپتى، دەپ حابارلايدى "ادىرنا" ۇلتتىق پورتالى قازتاگ اگەنتتىگىنە سىلتەپ.
كومپانيانىڭ مالىمەتىنشە، وقيعانىڭ ناقتى سەبەپتەرى مەن ءمان-جايىن ۋاكىلەتتى ورگاندار انىقتاپ جاتىر.
«كومپانيا مارقۇمنىڭ وتباسىنا بارلىق قاجەتتى كومەك پەن قولداۋ كورسەتەدى. جۇرتشىلىقتان راستالماعان اقپاراتتى تاراتپاۋىن سۇرايمىز»، – دەلىنگەن «التىنالماس» اق حابارلاماسىندا.
كومپانيا بۇل جاعدايدى ادام ولىمىنە اكەلگەن وندىرىستىك جازاتايىم وقيعا دەپ باعالاپ وتىر.
الدىن الا مالىمەتكە سايكەس، قايعىلى وقيعا «التىنالماس» اق-نىڭ وندىرىستىك نىساندارىنىڭ ءبىرى سانالاتىن «پۋستىننوە» تاۋ-كەن بايىتۋ كەشەنىنىڭ اۋماعىندا بولعان.
ۇقساس جاڭالىقتار
