قازاقستان فۋتبول فەدەراتسياسى (قفف) ۇلتتىق قۇرامانىڭ باس باپكەرى ءالي اليەۆتىڭ وتستاۆكاعا كەتۋ تۋرالى ءوتىنىشىن قاناعاتتاندىردى، دەپ حابارلايدى "ادىرنا" ۇلتتىق پورتالى.
شەشىم قفف اتقارۋ كوميتەتىنىڭ جيىنىندا قابىلدانعان، وندا باسشىلىق ماماننىڭ ەسەبىنە قاناعاتتانباعان.
اليەۆ وتستاۆكاعا كەتۋ تۋرالى مالىمدەمەسىن قازاقستان قۇراماسىنىڭ بەلگيادان 0:6 ەسەبىمەن جەڭىلگەنىنەن كەيىن جاساعان ەدى.
ونىڭ جەتەكشىلىگىمەن ۇلتتىق كوماندا بارلىعى 6 ماتچ وتكىزىپ، سونىڭ بەسەۋىندە ۇتىلىپ، تەك بىرەۋىندە عانا جەڭىسكە جەتتى. اليەۆ رەسەيلىك ستانيسلاۆ چەرچەسوۆتىڭ ورنىنا ۋاقىتشا كەلگەن بولاتىن. چەرچەسوۆ باپكەر بولعان كەزەڭدە قازاقستاندىقتار 7 ماتچتىڭ التاۋىندا جەڭىلىپ، بىردە-ءبىر گول سوعا الماعان ەدى.
باس باپكەر قىزمەتىنە شەتەلدىك ماماندار قاراستىرىلىپ جاتقانى ايتىلدى. سلوۆاك مامانى ۆلاديمير ۆايسس، بولگار باپكەرى ستانيمير ستويلوۆ جانە پوستكەڭەستىك ەلدەردەن ءبىر ماماننىڭ كانديداتۋراسى اتالعان.
ءالي اليەۆ – الماتىلىق فۋتبول مەكتەبىنىڭ تۇلەگى. ول فۋتبولشى رەتىندە قازاقستاندىق جانە تۇرىك كلۋبتارىندا، سونداي-اق قازاقستان ۇلتتىق قۇراماسىندا ونەر كورسەتكەن.
