يسپانيالىق باق-تىڭ حابارلاۋىنشا، مادريدتىك «رەالدىڭ» نەگىزگى ويىنشىلارىنىڭ ءبىرى انتونيو ريۋديگەر جاراقاتىنا بايلانىستى «قايراتقا» قارسى ويىنعا قاتىسپايدى، دەپ حابارلايدى "ادىرنا" ۇلتتىق پورتالى.
كلۋب دارىگەرلەرىنىڭ مالىمەتىنشە، قورعاۋشىنىڭ سول جاق جامباسىنداعى بۇلشىق ەتى جاراقاتتانعان. فۋتبولشىنىڭ تولىق قالپىنا كەلۋى شامامەن ءۇش ايعا سوزىلماق.
بۇل جاڭالىق «كورولدىك كلۋب» ءۇشىن ۇلكەن سوققى بولدى. سەبەبى، ريۋديگەر كومانداداعى نەگىزگى قورعاۋشىلاردىڭ ءبىرى سانالادى.
انتونيو ريۋديگەر «رەالعا» 2022 جىلى قوسىلعان. وسى ۋاقىت ارالىعىندا ول كوماندامەن بىرگە ەكى مارتە چەمپيوندار ليگاسىنىڭ جەڭىمپازى اتاندى.
ەسكە سالا كەتەيىك، چەمپيوندار ليگاسىنىڭ توپتىق كەزەڭى اياسىنداعى «قايرات» پەن «رەال» اراسىنداعى كەزدەسۋ 30 قىركۇيەكتە الماتىداعى ورتالىق ستاديوندا وتەدى.
