Apple كومپانياسى جاڭا سمارتفوندارىن رەسمي تۇردە تۇساۋكەسەرىن جاسادى. تانىستىرىلىمدا iPhone 17, iPhone 17 Pro جانە Pro Max حالىق نازارىنا ءىلىندى، دەپ حابارلايدى "ادىرنا" ۇلتتىق پورتالى.
كومپانيانىڭ ەڭ باستى ءونىمى رەتىندە وتە جىڭىشكە iPhone Air كورسەتىلدى.
Apple-ءدىڭ ايتۋىنشا، iPhone Air قالىڭدىعى نەبارى 5,6 مم، بۇل Samsung Galaxy S25 Edge-تەن دە جۇقا. سمارتفون 6,6 ديۋيمدىك ديسپلەيمەن، 120 گتس جاڭارتۋ جيىلىگىمەن جانە جاڭا A19 Pro چيپىمەن جابدىقتالعان. ارتقى پانەلدە كولدەنەڭ ورنالاسقان كامەرا ءمودۋلى بار. نەگىزگى Fusion كامەراسى – 48 مپ، ال ءبىر مەزەتتە الدىڭعى جانە نەگىزگى كامەرالاردان جازۋ مۇمكىندىگى قولجەتىمدى.
Apple سونىمەن بىرگە ارنايى MagSafe-اككۋمۋلياتورىن كورسەتتى، ول قۇرىلعىنىڭ بەينە كورۋ ۋاقىتىن 40 ساعاتقا دەيىن ۇزارتۋعا كومەكتەسەدى.
جاڭا iPhone 17 مودەلى 6,3 ديۋيمدىك ديسپلەيگە يە بولدى. سمارتفون ەكى 48 مپ كامەرامەن، A19 پروتسەسسورىمەن جانە 256 گب-تان باستالاتىن جادى كولەمىمەن شىقتى. قۇرىلعى اشىق كۇلگىن، كوگىلدىر، قارا، اق تۇستەرىندە ۇسىنىلدى.
