«كەلەشەك مەكتەپتەرى» ۇلتتىق جوباسى اياسىندا وبلىس اۋماعىندا ءبىر اۋىسىمدا 3 مىڭ وقۋشىعا ارنالعان 7 زاماناۋي مەكتەپتىڭ قۇرىلىسى جۇزەگە اسىرىلدى.
بۇگىنگى تاڭدا بۇل ءبىلىم وشاقتارىنىڭ بارلىعى پايدالانۋعا بەرىلىپ، جاڭا وقۋ جىلىندا ءوز ەسىگىن ايقارا اشتى.
اتاپ ايتقاندا، وسكەمەن قالاسىندا – 3 مەكتەپ («№31»، «№40»، «№41» جالپى ءبىلىم بەرەتىن مەكتەپتەرى), ريددەر قالاسىندا 1 مەكتەپ («№12 جالپى ءبىلىم بەرەتىن مەكتەبى»), گلۋبوكوە اۋدانىندا 2 مەكتەپ («بەلوۋسوۆكا №2 جالپى ءبىلىم بەرەتىن مەكتەبى» جانە «وپىتنوە پولە جالپى ءبىلىم بەرەتىن مەكتەبى»), شەمونايحا اۋدانىندا 1 مەكتەپ («شاكارىم اتىنداعى №4 ورتا مەكتەبى») بوي كوتەردى.
جاڭادان سالىنعان مەكتەپتەر قازىرگى زامان تالابىنا ساي جابدىقتالعان: STEM-زەرتحانالار، روبوتوتەحنيكا كابينەتتەرى، فيزيكا، حيميا جانە بيولوگيا پاندەرىنە ارنالعان جاڭا ۇلگىدەگى وقۋ قۇرالدارىمەن قامتىلعان ارنايى كابينەتتەر بار. ءاربىر سىنىپ تسيفرلىق تەحنولوگيالارمەن جانە ينتەراكتيۆتى پانەلدەرمەن قامتاماسىز ەتىلگەن. سونىمەن قاتار، وقۋشىلاردىڭ جايلى ءارى ءتيىمدى ءبىلىم الۋىنا جاعداي جاساۋ ماقساتىندا كوۆوركينگ، دەمالىس جانە ەركىن جۇمىس ىستەۋ ايماقتارى ۇيىمداستىرىلعان.
ەرەكشە ءبىلىمدى قاجەت ەتەتىن وقۋشىلار ءۇشىن تولىققاندى كەدەرگىسىز ورتا جاسالعان: پاندۋستار، ليفتىلەر، ارنايى سانيتارلىق توراپتار، تاكتيلدى باعىتتاۋشىلار، ينكليۋزيۆتى ءبىلىم بەرۋگە ارنالعان سىنىپتار قاراستىرىلعان.
2025 جىلى شىعىس قازاقستان وبلىسى شەمونايحا اۋدانىندا شاكارىم اتىنداعى №4 جالپى ورتا ءبىلىم بەرەتىن مەكتەپ ءوز جۇمىسىن باستادى.
مەكتەپتىڭ نەگىزگى كورسەتكىشتەرى:
• جوبالىق قۋاتى – 300 ورىن
• وقۋشىلار سانى – 343 (1–11 سىنىپ)
• مەكتەپ جانىنداعى شاعىن ورتالىقتا – 12 بالا
• مەكتەپكە دەيىنگى دايىندىق سىنىپتارىندا – 16 بالا
جاڭا مەكتەپ زاماناۋي تالاپتارعا ساي جابدىقتالعان. وقۋشىلاردىڭ ساپالى ءبىلىم الۋى ءۇشىن قاجەتتى جاعداي جاسالعان: اسحانا، بالالاردى قولداۋ كابينەتى، بەينەباقىلاۋ جۇيەسى، دابىل قوندىرعىلارى ورناتىلعان. بارلىعى 52 بەينەكامەرا جانە 30 كۇنگە دەيىن جازبالاردى ساقتايتىن سەرۆەر بار.
وقۋشىلار جەتىستىكتەرى:
• وبلىستىق وليمپيادالار مەن عىلىمي جارىستارعا – 106 وقۋشى قاتىسىپ، 92-ءسى جۇلدەگەر اتاندى.
• رەسپۋبليكالىق دەڭگەيدە – 42 وقۋشى قاتىسىپ، 29-ى جۇلدەلى ورىندارعا يە بولدى.
• حالىقارالىق دەڭگەيدە – 30 وقۋشى قاتىسىپ، 12-ءسى جەڭىمپاز اتاندى.
پەداگوگيكالىق قۇرامدا 54 قىزمەتكەر ەڭبەك ەتەدى، ولاردىڭ 32-ءسى – مۇعالىمدەر. قازىرگى تاڭدا مەكتەپكە ورىس ءتىلى، تاريح، اعىلشىن ءتىلى، مۋزىكا، تەحنولوگيا، IT-ينجەنەر، حورەوگراف جانە قوسىمشا ءبىلىم بەرۋ پەداگوگى ماماندارى قاجەت.
بۇل جاڭا ءبىلىم ورداسىنىڭ اشىلۋى – اۋداننىڭ ءبىلىم سالاسىن دامىتۋداعى ماڭىزدى قادام. ول جاس ۇرپاقتىڭ ساپالى ءبىلىم الۋىنا، دارىندى بالالاردى قولداۋعا جانە ولاردىڭ جان-جاقتى دامۋىنا مۇمكىندىك بەرەدى
«كەلەشەك مەكتەپتەرى» ۇلتتىق جوباسى اياسىندا بوي كوتەرگەن 300 ورىندىقتىق شاكارىم اتىنداعى №4 ورتا مەكتەپتە د. سەرىكباەۆ اتىنداعى شقتۋ قولداۋىمەن STEM-كابينەت; ء«Bىlىm aqparat» كاسىپتىك باعدار بەرۋ ورتالىعى; س. امانجولوۆ اتىنداعى شقۋ قولداۋىمەن «Dana bala» ينكليۋزيا كابينەتى جابدىقتالعان.
مەكتەپتە 2024-2025 وقۋ جىلى بويى دارىندى جانە تالانتتى وقۋشىلاردى انىقتاۋ مەن قولداۋ باعىتىندا جۇيەلى جۇمىس جۇرگىزىلدى. ءپان مۇعالىمدەرى، سىنىپ جەتەكشىلەرى جانە وقۋشىلاردىڭ عىلىمي قوعامدارى ءتۇرلى وليمپيادالار مەن عىلىمي جوبالارعا قاتىسۋعا جاعداي جاسادى.
وبلىستىق وليمپيادالار مەن عىلىمي سايىستارعا 106 وقۋشى قاتىسىپ، ولاردىڭ 92-ءسى جۇلدەگەر اتاندى. بۇل – جالپى قاتىسۋشىلاردىڭ 86,8%-ىن قۇرايدى. رەسپۋبليكالىق دەڭگەيدە 42 وقۋشى باق سىناپ، ونىڭ 29-ى جۇلدەلى ورىنعا يە بولدى (69%).
وقۋشىلار كەلەسى زياتكەرلىك جانە شىعارماشىلىق بايقاۋلارعا قاتىستى: «DARYN»، «مالاحيت»، وبلىستىق «Leader»، «اينالايىن»، «اسىل تاس» ماتەماتيكالىق بايقاۋى، سونداي-اق «اقبوتا» ينتەللەكتۋالدىق وليمپياداسى، رەسپۋبليكالىق پاندىك وليمپيادالار جانە عىلىمي جوبالار سايىستارى.
دارىندى بالالاردى قولداۋ ماقساتىندا مەكتەپتە باستاۋىش سىنىپتارعا ارنالعان «روستوك»، ال 5-11 سىنىپتارعا ارنالعان «اۆانگارد» عىلىمي قوعامدارى جۇمىس ىستەيدى. وتكەن وقۋ جىلىندا اۋداندىق عىلىمي جوبا بايقاۋىندا 6 جۇلدەگەر، پاندىك وليمپيادالاردا 10 جۇلدەگەر انىقتالدى. سونىمەن قاتار، وقۋشىلار ءداستۇرلى «شاكارىم وقۋلارىنا» بەلسەنە قاتىسىپ، جۇلدەلى ورىندارعا يە بولدى.
بيىلعى وقۋ جىلىندا (2025-2026) 8-11 سىنىپ وقۋشىلارىنىڭ 17 عىلىمي جوباسى تىركەلدى. بۇل كورسەتكىشتەر پەداگوگيكالىق ۇجىمنىڭ جۇيەلى جۇمىسىنىڭ جانە وقۋشىلاردىڭ جوعارى دەڭگەيدەگى دايىندىقتارىنىڭ دالەلى بولىپ تابىلادى.
