Qazaqstan Prezidentı Qasym-Jomart Toqaev Niu-Iorkte ötetın BŪŪ Bas Assambleiasynyŋ mereitoilyq sessiiasynda söz söileitının mälımdedı, dep habarlaidy "Adyrna" ūlttyq portaly.
Joldauda Memleket basşysy aldaǧy uaqyttaǧy jūmys josparlarymen bölıstı.
«Jyl soŋynda Reseige, Özbekstanǧa saparym bolady, Astanada Äzerbaijan, Armeniia, Türıkmenstan basşylaryn qabyldauǧa daiyndalyp jatyrmyz. Sondai-aq bırqatar aziia jäne europa elderınıŋ basşylarymen kezdesuler men kelıssözder josparlanǧan», – dedı Qasym-Jomart Toqaev.
Prezident sonymen qatar Qazaqstan men AQŞ arasyndaǧy dialogtyŋ belsendı damyp kele jatqanyn jäne Europalyq odaqpen köpqyrly bailanystar ornaǧanyn atap öttı.
«Jaqyn arada Niu-Iorkte ötetın Bas Assambleianyŋ mereitoilyq sessiiasynda söz söilep, Qazaqstannyŋ halyqaralyq jaǧdaiǧa qatysty közqarasyn, sonyŋ ışınde Bırıkken Ūlttar Ūiymyn reformalau jönındegı ūsynystardy ortaǧa saludy josparlap otyrmyn», – dedı Qasym-Jomart Toqaev.
