بىرىككەن ۇلتتار ۇيىمى رافاح قالاسىنداعى بەيبىت تۇرعىنداردى قورعاۋعا شاقىردى، دەپ حابارلايدى "ادىرنا" ءتىلشىسى Euronews-كە سىلتەپ.
بىرنەشە كۇن بۇرىن يزرايل رافاح قالاسىنىڭ ماڭىنا سوققى جاساپ ەدى. شابۋىلشىلار بۇل حاماستىڭ سوڭعى بەكىنىسىن ەكەنىن ايتادى.
يزرايل ارمياسىنىڭ گازا سەكتورىنىڭ وڭتۇستىگىندەگى رافاح قالاسىن اتقىلاۋى سالدارىنان كەمىندە 28 ادام قازا تاپسا، ونداعان ادام جاراقات العان.
بۇۇ باس حاتشىسى ستەفان دججارريك ءيزرايلدىڭ رافاح قالاسىنا شابۋىل جاساعان جاعدايدا تۇرعىنداردى قۇتقارۋ قيىن بولاتىنىن ايتتى.
ء"بىز بەيبىت تۇرعىنداردى ازىق-تۇلىكپەن قامتاماسىز ەتۋگە تىرىسامىز. ءبىز ولاردىڭ كيىنۋىن، مەديتسينالىق كومەك الۋىن، قۇرعاق جانە جىلى ەكەنىنە كوز جەتكىزۋگە تىرىسامىز. بىراق ولاردى تانك وتىنان، ارتيللەريالىق سناريادتاردان جانە ت.ب. قاۋىپتى قارۋلاردان قورعاۋ مۇمكىن بولماي تۇر. قازىر نە بولىپ جاتقانىن ءبارىمىز كورىپ وتىرمىز»، - دەدى باس حاتشى.
يزرايل پرەمەر-ءمينيسترى بينيامين نەتانياحۋ جۇما كۇنى اسكەريلەرگە شابۋىل باستالعانعا دەيىن رافاحتان بەيبىت تۇرعىنداردى ەۆاكۋاتسيالاۋ جوسپارىن ازىرلەۋدى بۇيىرعان بولاتىن. دەگەنمەن بۇۇ ساراپشىلارىنىڭ سوزىنشە گازالىقتاردىڭ باسقا بارار جەرى جوق. ولار ەگيپەتپەن شەكارادا تۇراقتاعان.
قازىر رافاحتا تۇراتىن كوپتەگەن پالەستينالىقتار يزرايل شابۋىلىنا ۇشىراسا دا ءوز جەرىن تاستامايتىندارىن ايتادى.
