گرۋزيادا قايتىس بولعان اسەل ايتپاەۆانىڭ اناسى ايسۇلۋ ايتپاەۆا سوت شەشىمىنە قاتىستى پىكىر ءبىلدىردى، دەپ حابارلايدى “ادىرنا” ۇلتتىق پورتالى.
«سوت ءادىل ءوتتى. اكەسى ەكەۋىمىز سوت شەشىمىنە رازىمىز. وسى پروتسەسكە قاتىسقانداردىڭ بارىنە العىس ايتامىن. گرۋزيا تاراپى ءوزىن لايىقتى كورسەتە ءبىلدى، قاجەتتى ساراپتامانىڭ ءبارىن جۇرگىزدى. ءادىل شەشىم شىعارعانى ءۇشىن قازاقستاننىڭ باس پروكۋراتۋراسىنا، سۋدياعا جانە مەنىمەن بىرگە سوڭىنا دەيىن بارعان قازاقستاندىقتارعا العىسىمدى بىلدىرەمىن. قىزىمدى قايتارا المايمىن، جۇرەگىم قان جىلايدى. ۇلىم عانا ءومىر سۇرۋگە قۇلشىنىس بەرەدى. قىزىم سوڭعى سوزىندە «ماما، وعان جاقسى ءبىلىم بەر» دەگەن ەدى»، – دەدى ايسۇلۋ ايتپاەۆا جۋرناليستەرگە.
”ادىرنا” ۇلتتىق پورتالى
