ۆيتسە-پرەمەر، سىرتقى ىستەر ءمينيسترى مۇرات نۇرتىلەۋ، ۇقك-ءنىڭ باسشىلارى جانە كاسىپكەر گادجي گادجيەۆتىڭ ۇستالعانى تۋرالى ايتىلعانىمەن، ونى فەيك اتاپ، مالىمەت جوققا شىعارىلىپ وتىر. اۋەلگى حاباردى Orda.kz تاراتتى، دەپ حابارلايدى «ادىرنا» ءتىلشىسى. الايدا كازتاگ اگەنتتىگى ءوز دەرەككوزىنە سۇيەنىپ، مۇنى فەيك اتادى. اقپارات جانە مادەنيەت ءمينيسترى "راستالماعان مالىمەت" جايىندا پوست جاريالادى.
Orda,kz سايتىنىڭ جازۋىنشا، اقپاراتتى قۇقىق قورعاۋ ورگاندارىنداعى سەنىمدى دەرەككوزدەر راستاعانعا ۇقسايدى.
«بۇگىن سىرتقى ىستەر ءمينيسترى مۇرات نۇرتىلەۋ، كاسىپكەر گادجي گادجيەۆ جانە ۇلتتىق قاۋىپسىزدىك كوميتەتىنىڭ بىرقاتار جوعارى لاۋازىمدى قىزمەتكەرلەرى ۇستالدى. بۇل اقپاراتتى قۇقىق قورعاۋ ورگاندارىنداعى دەرەككوزدەر راستادى» دەلىنگەن وردانىڭ حابارلاماسىندا.
بەلگىلى بولعانداي، مينيستر مۇرات نۇرتىلەۋ قىتايدا وتكەن شىۇ سامميتىنە قاتىسىپ، كەشە عانا ەلگە ورالعانى ايتىلادى. سونداي-اق، مينيستر مەن گادجيەۆتىڭ ۇيلەرىندە ءتىنتۋ جۇرگىزىلدى دەلىنەدى. ال ۇستالدى دەلىنگەن ۇقك باسشىلارىنىڭ اتى-ءجونى ازىرگە انىقتالىپ جاتىر.
مادەنيەت جانە اقپارات ءمينيسترى ايدا بالاەۆا اقپاراتتى جوققا شىعاردى.
"كەيبىر رەسمي باق پەن ءانونيمدى تەلەگرام-ارنالاردا مەملەكەتتىك قىزمەتشىلەردىڭ ۇستالۋىنا قاتىستى راستالماعان اقپارات تارالۋدا.
