«قۇمارلىقتىڭ سوڭى ءار جانۇياعا قاسىرەت بولىپ، ارتى قايعىلى وقيعالارعا سوقتىرىپ جاتىر. 3 676 ءسۋيتسيدتىڭ ءاربىر 5-ءشى جاعدايى قۇمار ويىنىنا بايلانىستى. ولىمنەن قورلىق جامان دەيدى. كىم وسى بيزنەستىڭ قۇربانى بولعانى ءۇشىن جاۋاپكەرشىلىك الادى؟ مەكتەپ جاسىنداعى 3,5 ملن. بالانىڭ 700 مىڭنان استامى 1 رەت بولسىن ءباس تىككەن. بۇل قازاقستانداعى 1 ملن-نان استام قۇمار ويىنشى سانىنىڭ ودان دا ارى وسەتىنىن كورسەتەدى»،—دەدى ول.رۋسلان بەردەنوۆ لۋدومانيامەن كۇرەسۋدىڭ بىرنەشە جولىن ۇسىندى.
»ءبىرىنشى: ونلاين قۇمار ويىندارىنا تولىعىمەن تىيىم سالۋ. ەكىنشى: بۋكمەكەرلىك بيزنەس جارناماسىنا تولىعىمەن تىيىم سالۋ. ءۇشىنشى: ويىن بيزنەسى قىزمەتتەرىنە سالىق مولشەرلەمەلەرىن كوتەرۋ. سەبەبى اعىمداعى سالىق تولەمدەءرى تۇراقتى. ياعني قانشا پايدا تاپسا دا ءبىر سالىق مولشەرىن تولەي بەرەدى. اينالىمنىڭ ۇلعايۋى تەك بۋكمەكەرلەرگە ءتيىمدى. ءتورتىنشى: سالىق كودەكسىنە قۇمار ويىندارى ليتسەنزياسى ءۇشىن تولەماقى مولشەرىن كوتەرۋ. بەسىنشى: كورپوراتيۆتىك تابىس سالىعىن اعىمداعى 20%-دان 30-40%-عا كوتەرۋ. التىنشى: بۋكمەكەرلەردىڭ اپپاراتىق پروگراممالىق جۇيەلەرىن مەملەكەتتىك تابىس دەپارتامەنتى جۇيەسىنە قوسۋ. ماقساتىمىز وسى بيزنەستىڭ ناقتى اينالىمىن انىقتاۋ، سالىق تولەمدەرىنىڭ تولىققاندى بيۋدجەتكە ءتۇسۋىن قاداعالاۋ. جەتىنشى: ءار ويىنشىعا جەكە ID بەرۋ جانە زەينەتاقى تولەم مولشەرىنە بايلانىستى ستاۆكا قويۋ مولشەرىنە شەكتەۋ جاساۋ. سەگىزىنشى: كازينولار مەن بۋكمەكەرلەر ورنالاسقان جەر تەلىمدەرىنىڭ سالىعىن كوتەرۋ»،—دەدى دەپۋتات.
