Mäjılıs deputaty Oljas Qūspekov partiialasy Ruslan Berdenovtyŋ jaǧdaiyna qatysty pıkır bıldırdı, dep habarlaidy «Adyrna» ūlttyq portaly.
«Bıreudıŋ densaulyǧyna qasaqana nemese basqa jolmen ziian keltıru – qazırgı zaman talabyna sai kelmeitın närse. Zaŋ üstemdıgın qarasaq, olai ısteuge bolmaidy.
Ruslan Berdenovtyŋ Şymkent qalasy äkımınıŋ orynbasary qyzmetı – saiasi qyzmet. Al saiasi qyzmette jūmys ısteu kerek. Ol densaulyq jaǧdaiyna bailanysty qyzmetın ärı qarai jalǧastyra almaityn bolsa, ornyn bosatu kerek qoi. Būl jerde jeke Berdenovtyŋ müddesı emes, memleket müddesı basty orynda boluy tiıs.
Jurnalistıŋ "Berdenov «Amanat» partiiasynyŋ müşelıgınde bar ma?" degen saualyna deputat:
"Berdenov qazır partiia müşelıgınde bar. Ol saiasi qyzmetke taǧaiyndalǧan kezde partiianyŋ ışkı qyzmetterınen bosatylǧan. Al partiia müşesı retınde ärdaiym qala beredı. Ol densaulyq jaǧdaiyn dūrystap, saiasi qyzmettı jalǧastyruǧa niet tanytyp jatsa, oǧan eşkım qarsylyq tanytpaidy", – dep jauap berdı.
Oljas Qūspekovtyŋ aituynşa, Ruslan Berdenov şetelde em qabyldap jatyr.
"Men Şymkentke Berdenovtyŋ jaǧdaiyn bılu üşın bardym, telefonmen de habarlasqanym bar. Qazır densaulyq jaǧdaiyna bailanysty şetelde reabilitasiiadan ötıp jatyr. Qazır tek telefon arqyly bailanystamyz", – dedı ol.
