قازاقستان پرەزيدەنتى قاسىم-جومارت توقاەۆ قىرعىزستان پرەزيدەنتى سادىر جاپاروۆقا قۇتتىقتاۋ جەدەلحاتىن جولدادى، دەپ حابارلايدى "ادىرنا" ۇلتتىق پورتالى.
مەملەكەت باسشىسى قازاقستان حالقىنىڭ جانە ءوز اتىنان قىرعىز حالقىن تاۋەلسىزدىك كۇنىمەن قۇتتىقتادى.
توقاەۆ قۇتتىقتاۋىندا قازاق-قىرعىز قاتىناستارىنىڭ سان قىرلى ستراتەگيالىق سەرىكتەستىك پەن وداقتاستىق نەگىزىندە دامىپ كەلە جاتقانىن اتاپ ءوتتى.
"ەلىمىز قازاق-قىرعىز سان قىرلى ستراتەگيالىق سەرىكتەستىگى مەن وداقتاستىعىن ودان ءارى تەرەڭدەتۋگە باسا ءمان بەرەدى. بىرلەسكەن كۇش-جىگەر ارقىلى عاسىرلاردان تامىر تارتاتىن دوستىق، تاتۋ كورشىلىك جانە ءوزارا قولداۋ رۋحىنداعى مەملەكەتارالىق بايلانىستاردى نىعايتۋدا ايتارلىقتاي ناتيجەگە قول جەتكىزەتىنىمىزگە سەنىمىم مول" – دەلىنگەن جەدەلحاتتا.
ۇقساس جاڭالىقتار
