الەۋمەتتىك جەلىلەردە اقش پرەزيدەنتى دونالد ترامپتىڭ قايتىس بولعانى تۋرالى اقپاراتتار قارقىندى تاراۋدا، دەپ حابارلايدى "ادىرنا" ۇلتتىق پورتالى.
#TrumpIsDead حەشتەگى X جەلىسىندە مىڭداعان جازبالار جيناپ، ترەندكە شىقتى. الايدا رەسمي ورگاندار بۇل مالىمەتتى تەرىسكە شىعارىپ وتىر.
قاۋەسەتتىڭ تارالۋىنا اقش ۆيتسە-پرەزيدەنتى دجەي دي ۆەنستىڭ USA Today-گە بەرگەن سۇحباتى سەبەپ بولدى.
ء“يا، قايعىلى جاعدايلار بولۋى مۇمكىن، مەن دايىنمىن”، – دەپ مالىمدەگەن. بۇل سوزدەر جۇرت اراسىندا پرەزيدەنتتىڭ جاعدايىنا الاڭداۋشىلىق تۋعىزدى.
سونداي-اق،ترامپتىڭ قولىنداعى كوگەرگەن ىزدەر مەن اياقتارىنداعى ىسىك سۋرەتتەرى دە جەلى جۇرتىن ءدۇر سىلكىندىرگەن.
شىلدە ايىندا اق ءۇي پرەزيدەنتتە سوزىلمالى ۆەنوزدىق جەتكىلىكسىزدىك دياگنوزىن راستاعان ەدى. بىراق بۇل اۋرۋ ومىرىنە قاۋىپ توندىرمەيتىنىن جانە ترامپتىڭ بەلسەندى جۇمىسىن جالعاستىرىپ جاتقانىن رەسمي وكىلدەر اتاپ ءوتتى.
سونىمەن قاتار، الەۋمەتتىك جەلىدە “سيمپسوندار” مۋلتسەريالىنىڭ بولجامى، Comic-Con جيىنىندا ايتىلعان ءازىل، “جەدەل جاردەم كولىكتەرى اق ۇيگە كەلدى” دەگەن جالعان بەينەلەر جانە فەيك اقپاراتتار تاراپ، قاۋەسەتتى ودان سايىن ءورشىتتى.
ترامپتىڭ قايتىس بولعانى جونىندەگى مالىمەتتەردىڭ ەشقايسىسى راستالماعان. اق ءۇي رەسمي تۇردە بۇل اقپاراتتى جوققا شىعاردى. الداعى ۋاقىتتا اقش پرەزيدەنتى كوپشىلىك الدىنا شىعىپ، رەسمي مالىمدەمە جاساۋى كۇتىلۋدە.
