جەرگىلىكتى دەپۋتاتتىڭ كۇيەۋىنەن زورلانعان سوڭعى باسقا وقيعادا مەكتەپ وقۋشىسى ەكىنشى رەت جۇكتى بولدى، دەپ حابارلايدى "ادىرنا" ۇلتتىق پورتالى Orda.kz-كە سىلتەپ.
2022 جىلى جاڭاتاس اۋداندىق ءماسليحات دەپۋتاتىنىڭ كۇيەۋى 12 جاسار مەكتەپ وقۋشىسىن زورلاعانى تۋرالى اقپارات تاراعان.
اگەنتتىكتىڭ مالىمەتىنشە، 2022 جىلى اناسى قىزىن ينتەرناتقا ورنالاستىرعان. ينتەرنات باسشىلىعى قىزدىڭ جۇكتى بولعانىن بىلگەن سوڭ، اناسىنا ايتپاي تۇسىك ۇيىمداستىرعان.
2023 جىلى جاعداي بەلگىلى بولىپ، بىرنەشە قىلمىستىق ءىس قوزعالعان سوڭ دەپۋتاتتىڭ كۇيەۋىمەن قوسا التى ادام سوتتالعان.
زارداپ شەككەن قىزدى كەيىن تارازداعى كوپبالالى جانە از قامتاماسىز ەتىلگەن وتباسىلاردان شىققان بالالارعا ارنالعان مەكتەپ-ينتەرناتقا ورنالاستىرعان. دەگەنمەن، كامەلەت جاسىنا جەتپەگەن قىزدىڭ جاقىندا قايتادان جۇكتى بولعانى بەلگىلى بولدى.
باق مالىمەتىنشە، قىز بالا جۇكتىلىكتىڭ سەگىزىنشى ايىندا، بالانىڭ اكەسى تۋرالى اقپارات جوق.
