ۇلىبريتانيانىڭ ۇلتتىق ارحيۆىندەگى قازاقستان پرەزيدەنتى قاسىم-جومارت توقاەۆ تۋرالى مالىمەتتەر بار قۇجاتتار جاريالاندى، دەپ حابارلايدى "ادىرنا" ۇلتتىق پورتالى.
ازەربايجاندىق تاريحشى دجەميل گاسانلى جەلىدە بۇل قۇجاتتاردىڭ ۇزىندىلەرىن جاريالادى.
1994 جىلى توقاەۆتى سىرتقى ىستەر ءمينيسترى قىزمەتىنە تاعايىنداعان كەزدە، ۇلىبريتانيانىڭ سىرتقى ىستەر مينيسترلىگى ونىڭ ءبىلىمى، تىلدەردى ءبىلۋى، قىتاي مەن وڭتۇستىك-شىعىس ازيا ەلدەرىندەگى جۇمىس تاجىريبەسى تۋرالى انىقتاما دايىنداعان.
«ۆەدومستۆو ول تۋرالى وتە قىزىقتى مالىمەتتەر ازىرلەپ، ونى جاقسى دايىندالعان مامان رەتىندە سيپاتتاعان. اعىلشىنداردىڭ بولجامدارى اقتالدى. بۇگىندە توقاەۆ ءوز حالقىمەن ساناسپايتىن، جەمقور جانە اۆتوريتارلىق پوستكەڭەستىك كوشباسشىلاردان ايرىقشا ەرەكشەلەنەدى»، – دەپ جازعان گاسانلى.
قۇجاتتاردا توقاەۆتىڭ اقش، كانادا، وزبەكستانعا ءجيى بارىپ، ارىپتەستەرىمەن بايلانىس ورناتقانى جانە قىتاي شەكاراسىندا ەركىن ەكونوميكالىق ايماقتار قۇرۋدى ۇسىنعانى ايتىلعان.
