گيمناستيكادان ريو-دە-جانەيرودا وتكەن الەم چەمپيوناتىندا قازاقستاندىق سپورتشىلار كومپوزيتور باۋىرجان اقتايدىڭ «الاش اماناتى» تۋىندىسىن رۇقساتسىز قولدانعان. بۇل تۋرالى كومپوزيتسيا اۆتورى ايتتى، دەپ حابارلايدى «ادىرنا» ءتىلشىسى.
سازگەر ۇلتتىق قۇرامانىڭ جاتتىقتىرۋشىسى مەرۋەرت بالعىنباەۆاعا حابارلاسىپ، ءوزىنىڭ نارازىلىعىن بىلدىرگەن. ول شىعارمالارىن بي قويۋ ءۇشىن جازبايتىنىن مالىمدەگەن.
«شىعارمامدى رۇقساتسىز پايدالاندىڭىزدار. مەنىڭ مۋزىكامنان دا باسقا مۋزىكالار تولىپ جاتىر ەمەس پە؟ سولاردى پايدالانساڭىز بولادى»،—دەگەن باۋىرجان اقتاي.
ال جاتتىقتىرۋشى مەرۋەر بالعىنباەۆا تۋىندىنى الەمدىك ارەنادا ناسيحاتتاۋ ءۇشىن، قازاق ەلىنىڭ اتىن شىعارۋ ءۇشىن پايدالانعانىن اتاپ ءوتتى.
ء«بىز ءسىزدىڭ مۋزىكاڭىزدى ەندى پايدالانبايمىز، ونى مىندەتتى تۇردە وزگەرتەمىز»،—دەدى ول الەۋمەتتىك جەلىدەگى پاراقشاسىندا.
