مەملەكەت باسشىسىنىڭ وكىمىمەن ماعزۇم مىرزاعاليەۆ قازاقستان رەسپۋبليكاسى پرەزيدەنتىنىڭ كەڭەسشىسى بولىپ تاعايىندالدى. بۇعان دەيىن بۇل قىزمەتتى اتقارعان بولات اقشولاقوۆ لاۋازىمىنان بوساتىلدى، دەپ حابارلايدى "ادىرنا" ۇلتتىق پورتالى.
1978 جىلى الماتىدا دۇنيەگە كەلگەن ماعزۇم مىرزاعاليەۆ بۇعان دەيىن ەنەرگەتيكا، ەكولوگيا جانە مۇناي-گاز سالاسىندا ءتۇرلى باسشىلىق قىزمەتتەر اتقارعان. ول قر ەنەرگەتيكا ۆيتسە-ءمينيسترى، ەكولوگيا، گەولوگيا جانە تابيعي رەسۋرستار ءمينيسترى، ەنەرگەتيكا ءمينيسترى قىزمەتتەرىن اتقارىپ، مەملەكەتتىك باسقارۋدا مول تاجىريبە جينادى.
1971 جىلى اتىراۋدا دۇنيەگە كەلگەن بولات اقشولاقوۆ مۇناي-گاز سالاسىنىڭ مامانى. ول قر ەنەرگەتيكا ءمينيسترى، "سامۇرىق-قازىنا" اق اكتيۆتەردى باسقارۋ جونىندەگى باسقارۋشى ديرەكتورى قىزمەتتەرىن اتقارعان. 2023 جىلى پرەزيدەنت كەڭەسشىسى بولىپ تاعايىندالعان ەدى.
