اقش كونگرەسى وكىلدەر پالاتاسىنىڭ ادام قۇقىقتارى جونىندەگى كوميسسياسىنىڭ تەڭتوراعاسى، دەموكرات دجەيمس ماكگوۆەرن اق ءۇي باسشىسى دونالد ترامپتىڭ رەسەي پرەزيدەنتى ۆلاديمير پۋتينمەن الياسكادا وتكەن كەزدەسۋىن قاتاڭ سىنعا الدى، دەپ حابارلايدى «ادىرنا» ءتىلشىسى.
«ترامپ امەريكا جەرىندە اسكەري قىلمىسكەردى قىزىل كىلەممەن قارسى الدى. اقش ۇكىمەتى ءپۋتيندى قابىلداۋدىڭ ورنىنا تۇتقىنداۋى كەرەك ەدى. بۇل – ماسقارا جانە ۇيات»،—دەدى ول X-تەگى پاراقشاسىندا.
ايتا كەتەيىك، الياسكا تۇرعىندارىنىڭ سامميتكە قاتىستى پىكىرلەرى ەكىگە ءبولىندى. كەلىسسوزدەر ءۇش ساعاتقا جۋىق ۋاقىت ءجۇرىپ جاتقان اسكەري بازانىڭ ماڭىنا ۋكرايناعا كومەك كورسەتۋدى جاقتاۋشىلار دا، ترامپتىڭ ساياساتىن قولداۋشىلار دا جينالىپ، ميتينگ وتكىزگەن.
ۇقساس جاڭالىقتار
