اقش كوروناۆيرۋس پاندەمياسىنا بايلانىستى قازاقستانعا 2,4 ميلليون دوللار بولەدى. بۇل تۋرالى اقش باس كونسۋلدىعى حابارلادى، دەپ مالىمدەيدى "ادىرنا" ۇلتتىق پورتالى.
- كومەك دالەلدى دالەلدەرگە نەگىزدەلگەن ۆاكتسينانى تاراتۋ تۋرالى شەشىم قابىلداۋعا ىقپال ەتەدى; ۆاكتسينالار تۋرالى دەزينفورماتسياعا دەن قويۋ جونىندەگى جەرگىلىكتى الەۋەتتى نىعايتادى; COVID-19 گەندەرىن سەكۆەنيرلەۋدى جۇرگىزۋ ءۇشىن زەرتحانالىق جۇيەلەردى نىعايتادى; قازاقستاندا ۆاكتسينالاردىڭ دايىندىعى مەن جەتكىزىلىمىنىڭ دەڭگەيىن ارتتىرادى،– دەپ مالىمدەدى باس كونسۋلدىعى.
ۆەدومستۆو پاندەميا باستالعاننان بەرى اقش قازاقستانعا 6,8 ملن دوللاردان استام قاراجات بولگەنىن حابارلادى. سونداي-اق امەريكالىق ۇيىمدار قازاقستاندىق دارىگەرلەر ءۇشىن COVID-19 بويىنشا وقىتۋ جۇرگىزدى.
- اۋرۋلار شەكارانى بىلمەيدى. اقش Covid-19 پاندەمياسىن توقتاتۋ، ونىڭ جويقىن الەۋمەتتىك جانە ەكونوميكالىق سالدارىن جەڭىلدەتۋ جانە بولاشاق ىندەتتەرگە جاقسى دايىن بولاتىن الەمدى قالپىنا كەلتىرۋ ءۇشىن قازاقستانمەن سەرىكتەستىك ورناتۋعا دايىن، – دەپ حابارلادى اقش باس كونسۋلدىعى.
ەستەرىڭىزگە سالا كەتەيىك، 5 قازاندا قاسىم-جومارت توقاەۆ اقش-تىڭ قازاقستانداعى ەلشىسى ۋيليام موزەرمەن كەزدەسىپ، ونى "قازاقستان تاراپى امەريكامەن سىندارلى ىنتىماقتاستىقتى كەڭەيتۋگە نيەتتى" - دەپ سەندىرگەن بولاتىن.
"ادىرنا" ۇلتتىق پورتالى
