گازا قالاسىنداعى ء«اش-شيفا» اۋرۋحاناسىنىڭ جانىندا يزرايل سوققىسىنىڭ سالدارىنان ء«ال-ءجازيرا» تەلەكومپانياسىنىڭ ءجۋرناليسى اناس اش-ءشاريف جانە تەلەارنانىڭ تاعى ءتورت قىزمەتكەرى قازا تاپتى، دەپ حابارلايدى "ادىرنا" ۇلتتىق پورتالى BBC-گە سىلتەمە جاساپ.
يزرايل قورعانىس ارمياسى (تساحال) اش-ءشاريفتىڭ حاماس ۇيىمىنىڭ جاسىرىن توبىن باسقارعانىن مالىمدەدى.
ء«ال-ءجازيرانىڭ» حابارلاۋىنشا، تىلشىلەر اناس اش-ءشاريف پەن مۇحاممەد كرايكە، سونداي-اق وپەراتورلار يبراحيم زاحەر، مۇحاممەد ءنۋفال جانە مۋامميان اليۋاعا اۋرۋحانانىڭ باس قاقپاسى جانىندا ورنالاسقان جۋرناليستەرگە ارنالعان شاتىردا بولعان كەزدە سوققى جاسالعان.
تەلەكومپانيا جەكسەنبى كۇنى بولعان بۇل نىسانالى كىسى ءولتىرۋدىڭ ەركىن باسپاسوزگە جاسالعان تاعى ءبىر ورەسكەل ءارى ادەيى باعىتتالعان شابۋىل ەكەنىن ايتتى.
سوققىدان كەيىن كوپ ۇزاماي يزرايل قورعانىس ارمياسى نىسانانىڭ اناس اش-ءشاريف بولعانىن راستادى جانە ونىڭ «حاماس-تىڭ تەرروريستىك توبىن باسقارعانىن» العا تارتتى. قالعان قازا تاپقان جۋرناليستەر تۋرالى تساحال ەشتەڭە ايتپادى.
