اقش پرەزيدەنتى دونالد ترامپ رەسەي قاۋىپسىزدىك كەڭەسى توراعاسىنىڭ ورىنباسارى دميتري مەدۆەدەۆتىڭ «رەسەي-اقش اراسىنداعى سوعىس ىقتيمالدىعى تۋرالى» سوزىنە جاۋاپ رەتىندە ء«تيىستى اۋماققا» ەكى اتومدىق سۇڭگۋىر قايىق جىبەرگەنىن مالىمدەدى، دەپ حابارلايدى «ادىرنا» ءتىلشىسى.
«ولار قازىردىڭ وزىندە وزدەرىنە تيەسىلى جەردە تۇر»، — دەدى ترامپ 3 تامىز كۇنى نيۋ-دجەرسيدەن ۆاشينگتونعا ۇشار الدىندا جۋرناليستەرگە بەرگەن سۇقباتىندا.
بۇعان دەيىن پرەزيدەنت Newsmax تەلەارناسىنا بەرگەن سۇحباتىندا اتومدىق سۇڭگۋىر قايىقتاردىڭ رەسەيگە جاقىن ماڭدا ورنالاستىرىلاتىنىن ايتقان، بىراق ولاردىڭ ناقتى قاي جەردە ەكەنىن اشىپ ايتۋدان باس تارتتى.
ترامپ بۇل قايىقتاردى قايتا ورنالاستىرۋ شەشىمىن رەسەي قاۋىپسىزدىك كەڭەسى توراعاسىنىڭ ورىنباسارى دميتري مەدۆەدەۆتىڭ وتكىر مالىمدەمەلەرىنە جاۋاپ رەتىندە قابىلداعانىنجەتكىزدى.
ەسكە سالايىق، مەدۆەدەۆ 28 شىلدە كۇنى X الەۋمەتتىك جەلىسىندە ترامپتىڭ رەسەيگە قاتىستى ۋلتيماتۋمدارى «سوعىسقا قادام» بولۋى مۇمكىن ەكەنىن ايتقان ەدى. كەيىن اقش پرەزيدەنتى بۇل مالىمدەمەگە جاۋاپ بەردى.
«رەسەيدىڭ بۇرىنعى پرەزيدەنتى، قازىرگى رەسەي قاۋىپسىزدىك كەڭەسى توراعاسىنىڭ ورىنباسارى دميتري مەدۆەدەۆتىڭ ارانداتۋشى مالىمدەمەلەرىنە بايلانىستى ەكى اتومدىق سۇڭگۋىر قايىقتى ءتيىستى ايماقتارعا ورنالاستىرۋ تۋرالى بۇيرىق بەردىم»،—دەگەن ەدى ترامپ.
