قازاقستاندا كاسىبي مەرەكەلەر كۇنتىزبەسى جاڭاماڭىزدى داتامەن تولىقتى. بيىلدان باستاپ تامىز ايىنىڭ ءبىرىنشى جەكسەنبىسى – تەمىرجول قىزمەتكەرلەرى كۇنى رەتىندە رەسمي تۇردە اتالىپ وتەدى.
بۇل – كولىك سالاسىنىڭ ماڭىزدى باعىتى سانالاتىن تەمىرجول جۇيەسىندە قاجىرلى ەڭبەك ەتىپ جۇرگەن مىڭداعان قىزمەتكەردىڭ ەڭبەگىنە كورسەتىلگەن قۇرمەتتىڭ ايعاعى.
تەمىرجول – ەل ىشىندەگى عانا ەمەس, حالىقارالىق دەڭگەيدەگى جولاۋشى جانە جۇك تاسىمالىنىڭ ماڭىزدى تەتىگى. قازاقستانداعى كولىك ينفراقۇرىلىمىنىڭ دىڭگەگى سانالاتىن بۇل سالادا ونمىڭداعان مامان جۇمىس ىستەيدى. ولاردىڭ قاتارىندا ماشينيستەر, ۆاگونشىلار, جول جوندەۋشىلەر, ديسپەتچەرلەر, بايلانىسشىلار, ينجەنەر-تەحنيكتەرمەن تاعى باسقا كوپتەگەن كاسىپ يەلەرى بار.
كولىك سالاسىنىڭ جالپى دامۋىنا دا تەمىرجولسالاسى وراسان ۇلەس قوسىپ وتىر. وڭىرلەر اراسىنداعى ەكونوميكالىق بايلانىستى قامتاماسىز ەتۋ, وتاندىق ءونىمدى ەكسپورتتاۋ, جولاۋشىلاردىڭ قاۋىپسىز ءارىىڭعايلى قوزعالىسىن ۇيىمداستىرۋ – وسىنىڭ بارلىعى تەمىرجولشىلاردىڭ تىنىمسىز ەڭبەگىنىڭ ناتيجەسى.
تەمىرجول سالاسىندا جۇمىس ىستەۋ – جاۋاپكەرشىلىگى جوعارى, ءتارتىپ پەن توزىمدىلىكتى تالاپ ەتەتىن ماماندىق. بۇل مەرەكە – تەمىرجولشىلاردىڭ ەڭبەگىن باعالاپ, ولاردىڭ قوعامدىق ماڭىزىن ايشىقتايتىن كۇن.
تەمىرجول قىزمەتكەرلەرىن كاسىبي مەرەكەسىمەن قۇتتىقتايمىز! ەل ەكونوميكاسىنىڭ قوزعاۋشى كۇشىنە اينالعان سالا ماماندارىنا مىقتى دەنساۋلىق, قاۋىپسىز ەڭبەك جانە تولاعاي تابىس تىلەيمىز.
