Telegram-ارنالاردا قازاقستان كولىك ۆيتسە-ءمينيسترى ءساتجان ابلاليەۆتىڭ ۇستالعانى تۋرالى اقپارات تارادى. وندا قۇقىق قورعاۋ ورگاندارىنىڭ ونى پارا الدى دەگەن كۇدىكپەن ۇستاعانى ايتىلعان، دەپ حابارلايدى "ادىرنا" ۇلتتىق پورتالى Tengrinews-كە سىلتەپ.
دەگەنمەن، اقپاراتقا قاتىستى رەسمي راستاۋ ازىرگە جوق. باسىلىم رەداكتسياسى ۇقك مەن كولىك مينيسترلىگىنىڭ ءباسپاسوز قىزمەتتەرىنەن سۇراۋ سالعانىمەن، جاۋاپ بەرىلمەگەن.
ءساتجان ابلاليەۆ 2023 جىلدىڭ قازان ايىنان باستاپ كولىك ۆيتسە-ءمينيسترى قىزمەتىن اتقارىپ كەلەدى. بۇعان دەيىن ول سولتۇستىك قازاقستان وبلىسى اكىمىنىڭ ورىنباسارى جانە اۆتوموبيل جولدارى كوميتەتىندە ءتۇرلى لاۋازىمداردا قىزمەت ەتكەن.
ول 1970 جىلى اتىراۋ وبلىسىندا دۇنيەگە كەلگەن، جول جانە كولىك سالاسىنىڭ مامانى. ول الماتى اۆتوموبيل-جول ينستيتۋتىن جانە قازاق كولىك جانە كوممۋنيكاتسيا ۋنيۆەرسيتەتىن تامامداعان.
