18 تامىزى كۇنى ساعات 11:00-دە شەرزات پولات جانە وزگە دە سوتتالعاندارعا قاتىستى اپەللياتسيالىق سوت وتىرىسى وتەدى، دەپ حابارلايدى "ادىرنا" ۇلتتىق پورتالى.
ءبىرىنشى ينستانتسيا سوتىنىڭ ۇكىمى 21 ماۋسىمدا زاڭدى كۇشىنە ەنگەن بولاتىن. الايدا سوتتالعان تاراپ بەلگىلەنگەن مەرزىم ىشىندە اپەللياتسيالىق شاعىم تۇسىرگەن.
اتالعان ءىس بويىنشا سوتتالۋشىلاردىڭ ءبىرى – د.ك. ىسقاققا قاتىستى بۇلتارتپاۋ شاراسى وزگەرتىلىپ، ول قاماۋدان بوساتىلعانى بەلگىلى بولدى. سوت ونىڭ بۇلتارتپاۋ شاراسىن جويۋ تۋرالى شەشىم قابىلداعان.
قوعامدا كەڭىنەن تالقىلانىپ، رەزونانس تۋدىرعان بۇل ءىس ەندى اپەللياتسيالىق دەڭگەيدە قايتا قارالادى. سوت وتىرىسى بارىسىندا بۇرىنعى ۇكىمنىڭ كۇشىندە قالۋى نەمەسە وزگەرتىلۋى مۇمكىن.
اپەللياتسيالىق تىڭداۋ ناتيجەسى جۇرتشىلىقتىڭ ەرەكشە نازارىندا بولماق.
ۇقساس جاڭالىقتار
